У адказ на санкцыі Расія вышле 10 дыпламатаў ЗША. Паслу прапанавалі выехаць для кансультацый
Пра гэта заявіў у пятніцу міністр замежных спраў РФ Сяргей Лаўроў.
16.04.2021 / 19:33
Расія вышле з краіны дзесяць амэрыканскіх дыпламатаў. Пра гэта заявіў у пятніцу міністр замежных спраў РФ Сяргей Лаўроў, піша «Радыё Свабода».
Ён таксама абвясьціў пра іншыя меры, якія расейскія ўлады маюць намер прыняць у адказ на новыя санкцыі ЗША, уведзеныя 15 красавіка.
Паводле Лаўрова, на сустрэчы з амбасадарам ЗША ў Маскве Джонам Саліванам памочнік прэзыдэнта Расеі Юрый Ушакоў прапанаваў амбасадару выехаць у Вашынгтон для кансультацый.