Затрымалі тату-майстра Іллю Акішава. Яму закідаюць удзел у пратэстах і стварэнне антываенных татуіровак
У тым ліку — пра рускі карабель.
12.04.2023 / 17:40
Ілля Акішаў. Фота: яго старонка «Укантакце»
Іллі Акішаву 24 гады. Ён родам з аграгарадка Занарач, які знаходзіцца ў Мядзельскім раёне Мінскай вобласці. Ілля вучыўся ў Беларускай дзяржаўнай акадэміі мастацтваў на спецыяльнасці «Дызайн віртуальнага асяроддзя».
Але ў апошнія гады ён прафесійна займаецца стварэннем татуіровак.
У відэа ГУБАЗіК хлопец кажа, што некалькі разоў паўдзельнічаў у пратэстах у 2020 годзе, а таксама нанёс некалькі антываенных татуіровак. У відэа дэманструюцца татуіроўкі з тэкстам «Рускі ваенны карабель, ідзі на***».