Адзін з мужчын, якіх прапаганда назвала арганізатарамі дыверсіі ў Мачулішчах, — прыяцель сына Абельскай і даносчык
Пра гэта распавёў «Байпол» у сваім новым роліку.
30.04.2023 / 18:29
Дзяніс Сакалоў. Скрын з фільма АНТ
У фільме АНТ «Гаспар на сувязь не выйшаў» Дзяніс Сакалоў дае вельмі шмат паказанняў. Часткова яны не стыкуюцца з паказаннямі названага выканаўцы дыверсіі, Мікалая Швеца. Быццам бы, з адным з тых, хто планаваў дыверсію, Віталём Якуцікам, іх аб'яднала хобі — практычная стральба.
«Байпол» прааналізаваў асобу Сакалова і выявіў шэраг цікавых фактаў. Па-першае, ён асабіста знаёмы з Дзмітрыем Абельскім — старэйшым сынам доктаркі Ірыны Абельскай. Разам яны выязджалі за мяжу ў Літву ў 2017 годзе на асабістым аўто Дзмітрыя Абельскага.
Дата сумеснага выезду Абельскага і Сакалова — красавік 2017-га. Фота: «Байпол»
Па-другое, Дзяніс Сакалоў, згодна з базай «Кіберпартызанаў», у 2020 годзе як мінімум адзін раз данёс на людзей, якія малявалі нацыянальныя сімвалы на вуліцах Мінска. Гэты данос запісаны ў базе так: «у двары тры хлопцф размалёўваюць лаўкі ў бел-чырвона-белыя колеры».
Тэкст даноса Сакалова. Крыніца: «Чорная мапа акупантаў»
Дата даноса — 22 верасня 2020 года, а адрас — Матусевіча, 72, што паблізу ад адрасу прапіскі Сакалова. Нумар таксама супадае.
На падставе гэтых звестак «Байпол» схільны лічыць, што Дзяніс Сакалоў недатычны да беларускага падполля.
Чытайце таксама:
У злітых дакументах Пентагона апісаныя пашкоджанні самалёта ў Мачулішчах