Беларусбанк папярэдзіў, што ад яго імя дзейнічаюць махляры
Прэс-служба Беларусбанка паведаміла, што ў інтэрнэце апошнім часам распаўсюджваецца рэклама ад імя інвестыцыйнай платформы «Беларусбанк-Інвест» і папярэдзіла, што ніякага дачынення да гэтай структуры не мае.
30.04.2023 / 20:41
Прыклад махлярскай рэкламы
«Калі ў сацсетках або Інтэрнэце вам трапляецца вось такая рэклама, ведайце:
Беларусбанк не мае ніякага дачынення да дадзенай інвестыцыйнай платформы, якую ашуканцы называюць «Беларусбанк Інвест». Больш за тое, у структуры холдынгу банка няма даччынай інвестыцыйнай кампаніі» — папярэджвае банк.
Персанальныя звесткі, уведзеныя пры спробе скарыстацца паслугамі, прапанаванымі гэтым сайтам, пасля могуць быць выкарыстаныя для прымянення метадаў сацыяльнай інжынерыі і завалодання грашовымі сродкамі карыстальнікаў, у тым ліку праз тэхналогіі дыстанцыйнага банкаўскага абслугоўвання, засцерагае ўстанова патэнцыйна даверлівых грамадзян.
Чытайце таксама:
У Бялынічах работніца дома-інтэрната крала грошы з картак старых і інвалідаў
Пенсіянерку з Мар'інай Горкі абдурылі больш чым на 60 тысяч даляраў махляры з Мексікі