На мяжы з Польшчай лукашысты паставілі білборд, які пераконвае, што дыктатура лепшая за дэмакратыю
Чытачы выдання «Зеркало» заўважылі на мяжы з Польшчай новую сацыяльную рэкламу, якая, мяркуючы з тэксту, мае пераканаць падарожнікаў у тым, што дыктатура Лукашэнкі спраўнейшая за еўрапейскую дэмакратыю.
30.04.2023 / 20:50
Білборд знаходзіцца на беларускім баку міжнароднага аўтамабільнага пункта пропуску «Брэст». На ім намаляваныя чатыры рукі. Мужчынская далонь сціскае жаночую, жаночая трымае брэлок з ключамі, а дзіцячыя пальчыкі ўхапіліся за чып ад дамафона.
Пад фатаграфіяй вялікімі літарамі нанесены тэкст на англійскай, рускай і польскай мовах:
«Наша «дыктатура» робіць для людзей больш, чым ваша «дэмакратыя».
Чытайце таксама: