Расійскі блогер папрасіў па прыколе падагрэць яму халаднік у Мінску
Блогер Дзмітрый Шылаў прыехаў у Мінск і вырашыў расказаць пра свае прыгоды ў тыктоку. Жарты ацанілі не ўсе.
25.05.2023 / 22:41
Скрыны відэа з тыктока блогера
Мужчына зайшоў у кафэ «Васількі» і вырашыў замовіць халаднік з буракоў.
«Скажыце, а ў вас магніцікі ёсць на халаднік?» — пажартаваў блогер у размове з афіцыянткай.
А пасля папрасіў па прыколе падагрэць яму халаднік.
Пакатаўся Дзмітрый і на мінскім метро. Пажартаваў з назвы метро «Кастрычніцкая» і назвы месяца «кастрычнік».
«У мяне кот кастрычніц», — сказаў ён.
У іншых відэа Дзмітрый, праўда, хваліць Мінск і называе найлепшай сталіцай.
У яго тыктоку амаль 285 тысяч падпісантаў.
Але не ўсе беларусы палічылі яго жарты смешнымі.
«Чамадан, вакзал, Масква», — абурыўся хтосьці з каментатараў.
«З павагай трэба ставіцца, калі ў госці прыехалі!» — раілі блогеру.
«Акрошку таксама кіпяціш?» — негадавалі ў адказ.