На даху мінскага гандлёвага цэнтра будуць ладзіцца танцы
Заняткі з танцамі будуць ладзіцца штопятніцу на даху ГЦ «Галерэя», што на праспекце Пераможцаў.
31.05.2023 / 08:27
Фота: інстаграм ГЦ «Галерэя»
«Кожную пятніцу ў 19:00 да канца лета мы будзем чакаць вас на даху паркінга на танцавальныя майстар-класы з выдатнымі выкладчыкамі «Квартал студыя», найстарэйшай школай танцаў Беларусі, якая спецыялізуецца на парных сацыяльных танцах для дарослых», — паведамляецца ў інстаграме «Галерэі».
Арганізатары падкрэсліваюць, што ўзрост, рост, вага і іншыя характарыстыкі не маюць значэнне, як не мае значэння, ці танцавалі ці вы калі-небудзь раней.
Першыя заняткі ў гэту пятніцу. Гэта будзе сальса — гэта парны танец, заснаваны на імправізацыі і ўзаемадзеянні
Майстар-класы бясплатныя. Усё, што неабходна — гэта прайсці рэгістрацыю, бо колькасць месцаў абмежавана. Запіс будзе адкрывацца па панядзелках па спасылцы ў шапцы профілю.
Такім чынам:
- 02.06 — Сальса (парны танец)
- 09.06 — Ліндзі хоп (парны танец)
- 16.06 — Танга (парны танец)
- 23.06 — Блюз (парны танец)
- 30.06 — Сола джаз (адзіночны танец)
Збор удзельнікаў адбываецца на 1 паверсе ТРЦ каля інфацэнтра (побач з пякарняй Цьеры). Калі вы ведаеце дарогу на дах паркінга, то можаце адразу падымацца туды.
Аднак, калі будзе ісці дождж, то занятак прыйдзецца адмяніць.