«Kryčała, viała siabie ahresiŭna». Stała viadoma, što z Alenaj Anisim
Jana adsiedzieła 12 sutak.
01.06.2023 / 13:48
Alena Anisim. Fota: «Naša Niva»
«Chto pieražyvaŭ, chvalavaŭsia za Alenu Anisim i cikavicca jaje losam, spadyrynia Alena ŭžo na voli, adbyła 12 sutak administracyjnaha aryštu pa abvinavačańni ŭ drobnym chulihanstvie», — napisała ŭ fejsbuku pravaabaronca Taćciana Raviaka.
«Kryčała, razmachvała rukami, pavodziła siabie ahresiŭna, na prośby supakoicca nie reahavała — usio heta pavažany navukoviec ździejśniła ŭ RUUS Pieršamajskaha rajona Minska».
Zaraz Alena Anisim źjechała za horad, padlečvajecca.
Pa byłuju deputatku Pałaty pradstaŭnikoŭ i kiraŭnicu Tavarystva biełaruskaj movy Alenu Anisim pryjšli 17 maja prosta ŭ Akademiju navuk. Kudy jaje zavieźli i ŭ čym vinavacili, doŭhi čas nie było viadoma.