З 11 жніўня ўсе мабільныя аператары пачнуць уносіць змены ва ўмовы абслугоўвання кліентаў
Мабільныя аператары А1, МТС і Life:) абвясцілі, што з 11 жніўня рыхтуюць шэраг змяненняў для сваіх кліентаў, піша Tochka.by. Дзесьці падвысіцца кошт тарыфаў, дзесьці — хуткасць інтэрнэту.
10.08.2023 / 21:59
У А1 паведамляюць, што зменіцца хуткасць хатняга Інтэрнэту, які працуе па тэхналогіі GPON (па оптавалакне). Доступ да сеткі цяпер будзе давацца на аднолькавай уваходнай і выходнай хуткасцях. Гэта дазволіць павялічыць выходную хуткасць злучэння.
Таксама змены закрануць тарыфныя планы фіксаванай сувязі. Кампанія МТС паведаміла, што з 12 жніўня пачне рэалізацыю праграмы па добрасумленным выкарыстанні мабільнага інтэрнэт-трафіку. Што такое «нядобрасумленнае выкарыстанне» — у МТС не тлумачаць. Аднак паведамляюць, што да канца месяца зменіцца хуткасць падлучэння да сеткі для абанентаў, якія перавысілі ліміт па выдзеленаму трафіку.
Life:) з 22 жніўня плануе павысіць кошт некаторых тарыфных планаў. Акрамя таго, аператар перагледзіць тарыфы па дадатковым выкарыстанні інтэрнэт-трафіку і цэны ў роўмінгу.
З усімі зменамі ў тарыфах, хуткасцях інтэрнэт-злучэння і правіламі «добрасумленнага выкарыстання» трафіку можна азнаёміцца на сайтах мабільных аператараў.
Чытайце таксама:
Сілавік патлумачыў, навошта на граніцы сталі правяраць ІМЕІ
У беларускім МТС расказалі, ці будуць мяняць лагатып следам за расіянамі