Украінцу ў расійскім палоне выразалі свастыку на лбе
Упершыню пра гэтага вайскоўца ў кастрычніку паведаміў ва інстаграме ўкраінскі дэрматолаг Аляксандр Туркевіч.
27.11.2023 / 15:16
Фота з інстаграма Аляксандра Туркевіча.
«Неапалімы» — гэта праект, які дае украінцам бясплатнае лячэнне рубцоў ад апёкаў і іншых ваенных траўмаў. 25 лістапада праект апублікаваў у інстаграме фатаграфію шнара неназванага ўкраінскага вайскоўца. Шнар мае форму свастыкі. Па паведамленні «Неапалімы», ён быў атрыманы ў выніку катаванняў у расійскім палоне, піша «Медуза».
Упершыню пра гэтага вайскоўца ў кастрычніку паведаміў ва інстаграме ўкраінскі дэрматолаг Аляксандр Туркевіч.Ён супрацоўнічае з праектам «Неапалімы» і лячыў байца.
«Сёння прыехаў на першую працэдуру. І расказваў, як яму, калі рэзалі лоб, казалі: «А калі б ты быў азоўцам — я б цябе на запчасткі разабраў», — гаварылася ў іншым допісе Туркевіча.
26 лістапада доктар напісаў, што публікацыя пра байца ў сацсетках «Неапалімы» выклікала вялікі рэзананс. «Калі» следчы камітэт РФ «з-за гэтага аб'явіць мяне ворагам і падасць у вышук — можна будзе лічыць, што жыццё ўдалося», — дадаў ён.