Беспілотнік атакаваў металургічны завод у расійскім Чарапаўцу. Домна выведзена «ў планавы рамонт»
Сёння каля 6 ранку беспілотнік трапіў у Чарапавецкі металургічны камбінат. Як можна зразумець з іншасказальных паведамленняў расійскіх выданняў, атака была паспяховай.
07.03.2024 / 15:44
«Тэхналагічны інцыдэнт», паводле прэс-службы прадпрыемства, адбыўся ў чацвер раніцай на прамысловай пляцоўцы «Северсталі» ў Чарапаўцы. Пацярпелых няма, паведамілі ў кампаніі.
Пры гэтым «адзін з агрэгатаў выведзены ў запланаваны раней рамонт».
Выданне «ГородЧе» пісала, што гук выбуху з боку прадпрыемства чулі каля 5:45.
У абед выканаўчы абавязкі губернатара Валагодскай вобласці Георгій Філімонаў паведаміў, што «інцыдэнт» на заводзе ў Чарапаўцы адбыўся з-за трапляння беспілотніка.