Ź leta možna budzie ŭziać hramadzianstva Hiermanii, nie admaŭlajučysia ad biełaruskaha
Z 26 červienia 2024 hoda nabyvajuć moc źmieny ŭ zakon ab hramadzianstvie Hiermanii, jakija prynosiać dźvie klučavyja naviny dla biełarusaŭ. Jany istotna ablehčać žyćcio našym suajčyńnikam, jakija imknucca da atrymańnia niamieckaha hramadzianstva, paviedamiŭ Michaił Taŭbe, pradstaŭnik Narodnaj ambasady Biełarusi ŭ Hiermanii.
27.03.2024 / 20:26
Ciapier biełarusy mohuć padavacca na atrymańnie niamieckaha hramadzianstva, nie admaŭlajučysia ad biełaruskaha. Heta adkryvaje novyja mahčymaści, spraščajučy praces intehracyi i dajučy šaniec na nabyćcio dvajnoha hramadzianstva bieź nieabchodnaści admaŭlacca ad svaich karanioŭ.
Taksama biełarusam bolš nie treba źviartacca z prośbaj ab admovie ad biełaruskaha hramadzianstva da Łukašenki. Heta zdymaje maralny i psichałahičny barjer dla mnohich, chto ličyć nieprymalnym zvarot da jaho.
Bolš padrabiazna aznajomicca sa źmienami ŭ zakonie ab hramadzianstvie Hiermanii možna pa spasyłcy.
Čytajcie taksama:
Kavaleŭski adkazaŭ na vosiem haračych pytańniaŭ pra pašpart Novaj Biełarusi
Šviecyja budzie vydavać pašparty zamiežnika biełarusam z praterminavanymi dakumientami