U Minsku zatrymali historyka carkvy Illu Višnieŭskaha
26 sakavika ŭ Minsku supracoŭnikami KDB byŭ zatrymany historyk carkvy Illa Višnieŭski, paviedamlaje «Chryścijanskaja vizija».
27.03.2024 / 22:49
Fota: sajt «Archivy Biełarusi»
Illa Višnieŭski — vypusknik mahistratury Instytuta teałohii imia śviatych Miafodzija i Kiryła i aśpirantury histaryčnaha fakulteta Biełaruskaha dziaržaŭnaha ŭniviersiteta.
Ciaham bolš za 10 hadoŭ jon pracuje ŭ Nacyjanalnym archivie Respubliki Biełaruś, źjaŭlajecca viadomym u Biełarusi daśledčykam historyi kanfiesijnych ustanoŭ, aŭtar šmatlikich publikacyj pra dziejnaść abnaŭlenčaj carkvy ŭ BSSR.
Apošnim časam byŭ adnym z arhanizataraŭ (razam ź Minskaj duchoŭnaj akademijaj i inš.) i maderataram pracy kruhłych stałoŭ pa historyi relihijnych supolnaściaŭ BSSR u 1920—1930-ch hadach (u tym liku pa prablemach uzajemadnosin Pravasłaŭnaj carkvy z savieckaj dziaržavaj i represij siarod duchavienstva) na bazie archiŭnych, adukacyjnych i carkoŭnych ustanoŭ.
Na hety momant aryštavany znachodzicca ŭ IČU na Akreścina. Pryčyny zatrymańnia i vystaŭlenyja historyku abvinavačvańni pakul nieviadomyja.
Čytajcie taksama:
Dvuch minčukoŭ asudzili za numarnyja ramki z «Pahoniaj» na mašynach
Zatrymali mužčynu za kamientary pra terakt u «Krokusie»
Siłaviki raskazali, jak skarystali ŭ svaich intaresach siamiejnuju dramu