Kiraŭnik Katalickaha kaścioła ŭ Biełarusi ŭ malitvie zhadaŭ śviataroŭ, jakija znachodziacca ŭ źniavoleńni i jakija vymušanyja byli emihravać
Kiraŭnik Katalickaha kaścioła ŭ Biełarusi Juzaf Stanieŭski ŭ malitvie zhadaŭ śviataroŭ, jakija znachodziacca ŭ źniavoleńni. Na heta źviarnuŭ uvahu telehram-kanał «Chryścijanskaja vizija».
28.03.2024 / 11:42
Fota: Catholic.by
«Za tych, chto z nami łučycca duchoŭna. Śviataroŭ, jakija nie zmahli pryjechać z-za chvaroby, za śviataroŭ, jakija ŭ viaźnicy, u źniavoleńni. Za ŭsich nas, i tych, jakija šukajuć ščaścia ŭ śviecie», — skazaŭ arcybiskup.
Juzaf Stanieŭski staŭ kiraŭnikom Rymska-katalickaha kaścioła ŭ Biełarusi ŭ vieraśni 2021 hoda. Da Stanieŭskaha hetuju pasadu zajmaŭ Tadevuš Kandrusievič.
U 2023 hodzie aryštavali 10 katalickich śviataroŭ. Troje ź ich na kaniec hoda zastavalisia ŭ źniavoleńni, havorycca ŭ dakładzie arhanizacyi Aid to the Church in Need. Bolš čym u Biełarusi śviataroŭ pieraśledavali ŭ Nikarahua. Tam u 2023 hodzie ŭ turmu trapili 46 čałaviek, piša «Miedyjazona».
U sakaviku 2024 hoda rabotnika kafiedralnaha kaścioła Uładzisłava Bieładzieda prysudzili da troch hadoŭ kałonii. Jaho sudzili pa 4 artykułach: raspalvańnie varožaści (častka 1staťji 130 KK), raspaŭsiud i vyrab parnahrafii (častka 1 artykuła 343 KK), abrazu Łukašenki (častka 1 artykuła 368 KK) i abrazu pradstaŭnika ŭłady (artykuł 369 KK).
Katalickaha śviatara Hienadzia (Hienrycha) Akałatoviča abvinavačvajuć u zdradzie dziaržavie (artykuł 356 KK).
Čytajcie taksama:
U centry Minska prajšoŭ Kryžovy šlach FOTAREPARTAŽ
Rabotnika kafiedralnaha kaścioła Uładzisłava Bieładzieda prysudzili da troch hadoŭ kałonii
Ksiondz Hienrych Akałatovič užo try miesiacy znachodzicca ŭ «Amierykancy»