Украіна вярнула целы яшчэ 121 загінулага вайскоўца
Расnйскі бок пакуль не паведамляў пра абмен целаў вайскоўцаў.
29.03.2024 / 13:36
Украіна вярнула целы яшчэ 121 загінулага вайскоўца. Пра гэта паведамляе Каардынацыйны штаб па пытаннях абыходжання з ваеннапалоннымі Украіны.
Паводле звестак штаба, ім удалося вярнуць 12 целаў вайскоўцаў УСУ, якія ваявалі на Луганскім кірунку, 107 — з Данецкага кірунку і яшчэ двух — з Запарожскага.
Перавозкай целаў і парэшткаў для перадачы іх прадстаўнікам праваахоўных органаў і судмедэкспертам займаюцца ўзброеныя сілы Украіны. Пасля ідэнтыфікацыі цела будуць перададзеныя сем'ям для пахавання.
Расійскі бок пакуль не паведамляў пра абмен целаў вайскоўцаў.
Мінулы раз Украіна вярнула 100 целаў вайскоўцаў, Расія — 69.
У вяртанні целаў каардынацыйнаму штабу садзейнічаюць Міжнародны камітэт Чырвонага Крыжа, СБУ, МУС Украіны і іншыя прадстаўніцтвы структур сектара бяспекі і абароны.