З Беларусі ў Маскву везлі больш за паўтонны вустрыц і лобстэраў, схаваныя ў офіснай мэблі
На кіроўцу ўзбуджаная крымінальная справа па нечаканым артыкуле — «кантрабанда стратэгічна важных рэсурсаў».
19.04.2024 / 12:37
Як піша Mash, 700 кілаграмаў вустрыц і лобстэраў у офіснай мэблі выявілі мытнікі на мяжы з Беларуссю. Далікатэсы везлі ў элітныя рэстараны Масквы.
Тавар схавалі ў фуры ў адсеках з офіснай мэбляй. Мытнікі палічылі «ўлоў»: 637 кг вустрыц, 16 кг лобстэраў і 23 кг царскага селядца. Зразумела, дакументы і ветэрынарны сертыфікат адсутнічалі.
На кіроўцу ўзбуджаная крымінальная справа па артыкуле «кантрабанда стратэгічна важных рэсурсаў». Яму да пяці гадоў пазбаўлення волі.