Падлеткі зладзілі бітву на Нямізе. Дваіх пастфактум затрымала міліцыя
Падлеткі пасварыліся ў інтэрнэце, а пасля перайшлі ў афлайн і ўчынілі масавую бойку ў цэнтры Мінска.
22.04.2024 / 22:10
Скрыншот відэа: Міліцыя Мінска
Відэа бойкі пад мостам на Нямізе відавочцы апублікавалі ў інтэрнэце. На роліку відаць, як некалькі чалавек збіваюць ляжачага на тратуары. Затым да бойкі далучаюцца іншыя падлеткі. Усяго ў «стрэлцы» ўдзельнічалі больш за дзесяць чалавек.
У сталічнай міліцыі заявілі, што ўстанавілі ўсіх удзельнікаў бойкі. Дваіх з іх — мінчукоў 17 і 18 гадоў — затрымалі і даставілі ў Цэнтральны РУУС.
Паводле інфармацыі сілавікоў, два падлеткі пасварыліся ў інтэрнэце, а затым вырашылі сустрэцца ў цэнтры горада і высветліць адносіны.
Ініцыятар бойкі — 17-гадовы школьнік — атрымаў адміністрацыйную справу за дробнае хуліганства.
Два васьмікласнікі вырашылі пазабаўляцца — зараз іх чакае суд за злоснае хуліганства
Школьнікаў з Барысава звазілі на экскурсію на Акрэсціна. І гэта не жарт
У Брэсце для школьнікаў зладзілі тэлемост з непрызнаным Прыднястроўем