Vidavočca raskazaŭ, jak adbyvałasia pachavańnie zabitaha ajcišnika Zielcara
Prapaviednik i baćka siami dziaciej Sierhij Mieljaniec, jaki niadaŭna pakinuŭ Biełaruś paśla adbyćcia pakutlivych 25 sutak na Akreścina pierad pierśpiektyvaj užo kryminalnaha pieraśledu, u svaim intervju «Našaj Nivie» siarod inšaha raskazaŭ, jak adbyvałasia pachavańnie ajcišnika Andreja Zielcara, jaki akazaŭ uzbrojeny supraciŭ siłavikam, što ŭvarvalisia ŭ jahonuju kvateru, i byŭ imi zastreleny. Pavodle jaho słoŭ, «tam było samaje sumnaje pachavańnie, jakoje ja bačyŭ u žyćci».
23.04.2024 / 19:29
Fota: facebook.com/melsergiy
«Sabrałasia čałaviek sa sto. Usie ŭ maskach i kapiušonach, ja nie braŭ telefon, tolki ŭziaŭ stary focik. Było jasna — hetyja ludzi hatovyja da taho, što ich zabiaruć, za nami pryhladali z busika biez numaroŭ. Napeŭna, sabralisia samyja śmiełyja ludzi Biełarusi.
Fota: facebook.com/melsergiy
Staić truna, vakoł ludzi. Staić mama la truny, hładzić Andreja pa hałavie, pobač niejkaje dzicia. Staić baćka-invalid na mylicach. Usie maŭčać, tolki mama pryhavorvaje «synočak, synočak», pačynaje raskazvać, jakim jon byŭ dobrym chłopcam. Śviatara niama. Mietraŭ za 15 ad nas idzie inšaje pachavańnie, tam usio jak maje być — i śviatar adpiavaje, i ludzi molacca.
Fota: facebook.com/melsergiy
Ja dumaŭ, što mahu zrabić, bo prosta serca razryvajecca. Navažyŭsia, padyšoŭ da mamy Andreja, i jana dazvoliła skazać paru słovaŭ — što Boh pakłaŭ na serca, toje i skazaŭ. Było žudasna strašna, ale choć niešta. A potym prosta pakłali trunu ŭ mahiłu i biez usiakaha adpiavańnia pachavali Andreja», — raskazaŭ Sierhij Mieljaniec.
Fota: facebook.com/melsergiy