Сілавікі затрымалі дачку Рыгора Кастусёва
Праўладны тэлеграм-канал апублікаваў відэа пра затрыманне выкладчыцы магілёўскай аўташколы. Паводле інфармацыі «Медыязоны», гаворка ідзе пра Кацярыну Кастусёву — дачку зняволенага лідара Партыі БНФ Рыгора Кастусёва.
24.04.2024 / 10:41
На камеру дзяўчына кажа, што ў 2020 годзе «аказвала садзейнічанне экстрэмісцкаму фармаванню «Вясна» і ў 2021 годзе нібыта зарэгістравалася ў боце «Плана Перамогі».
Што канкрэтна ставяць у віну затрыманай, Аўтары канала не ўдакладняюць.
Кіраўніка БНФ Рыгора Кастусёва асудзілі на 10 гадоў пазбаўлення волі па справе аб «захопе ўлады» ў верасні 2022 года. 15 студзеня прайшло судовае пасяджэнне па змене рэжыму для зняволенага. Кастусёву зрабілі больш жорсткім пакаранне —яго перавядуць у турму.
У красавіку 67-гадоваму зрабілі аперацыю: у палітыка рэзка пагоршылася здароўе.
Рыгор Кастусёў у вершаваных радках пакінуў тэстамент на выпадак смерці ў турме
Рыгору Кастусёву ў турме зрабілі аперацыю
У Рыгора Кастусёва са здароўем усё кепска