Ciapier kožny ŭ ZŠA moža nabyć robata-sabaku z ahniamiotam i łaziernym naviadzieńniem. Navošta jon patrebny?
Hroznaja mašyna atrymała nazvu «Termanatar» i ŭžo adkryta pradajecca siarod zvyčajnych amierykanskich hramadzian. Raskazvajem, ź jakoj metaj jaho stvarali i kolki daviadziecca addać hrošaj za hetaha «miralubnaha» sabaku.
24.04.2024 / 19:07
Robasabaka «Termanatar» z kampaktnym ahniamiotam i łaziernym naviadzieńniem. Foty: aficyjny sajt amierykanskaj kampanii Throwflame
Amierykanskaja kampanija Throwflame prystupiła da adkrytych prodažaŭ «Termanataraŭ» — robasabak z elektryčnym kampaktnym ahniamiotam ARC ułasnaj vytvorčaści, abstalavanych sistemami łaziernaha naviadzieńnia i načnoha bačańnia.
Pryłada kaštuje 9420 dalaraŭ (bolš za 30 tysiač biełaruskich rubloŭ).
«Termanatary» abstalavanyja batarejaj na hadzinu pracy, važać kala 15 kiłahram i mohuć kantralavacca dystancyjna sa smartfona pa WiFi i Bluetooth. Jość taksama padtrymka akularaŭ virtualnaj realnaści, što dazvolić kiravać pryładaj ad pieršaj asoby (što robić «Termanataraŭ» paŭnavartasnymi FPV-dronami, jakija ŭžo ździejśnili revalucyju na poli boju va Ukrainie).
Aproč hetaha, novyja robasabaki samastojna kartahrafujuć miascovaść i ŭmiejuć abychodzić pieraškody.
Što da ahniamiota, to jon moža stralać napałmam na adlehłaść da 10 mietraŭ i niaspynna pracavać na praciahu 45 chvilin. Jaho połymia moža vyviarhacca imhnienna na zahad karystalnika.
Raspracoŭščyki «Termanatara» padajuć svoj tvor jak pieršaje ŭ svaim rodzie i zajaŭlajuć, što jon nie pryznačany dla viadzieńnia bajavych dziejańniaŭ.
Asnoŭnymi metami novych robasabak, prapisanymi na aficyjnym sajcie kampanii Throwflame, źjaŭlajucca:
- Kantrol i praduchileńnie lasnych pažaraŭ.
- Sielskahaspadarčaja praca.
- Achova navakolnaha asiarodździa.
- Prybirańnie śniehu i lodu.
- Zabavy i śpiecefiekty.
Pahladzieć na «Termanataraŭ» u dziejańni možna ŭ hetym videa.
Biełaruś raspracoŭvaje łaziernuju zbroju
Pradstaŭleny pieršy ŭ śviecie robat-pyłasos, jaki moža «chadzić» pa leśvicach