Дзярждэп ЗША заявіў, што Пакістан не раззлаваўся з-за новых санкцый супраць МЗКЦ
Нядаўна мінскі завод быў абвінавачаны ў падтрымцы пакістанскай праграмы зброі масавага паражэння.
26.04.2024 / 18:28
Фота: «Наша Ніва»
Дзярждэпартамент ЗША, які раней абвясціў новыя санкцыі супраць Мінскага завода колавых цягачоў (МЗКЦ) і трох кітайскіх кампаній за перадачу ракетных тэхналогій Пакістану, заявіў, што апошні не стаў спрачацца і ўспрыняў навіну спакойна.
«Абсалютна ніякіх рознагалоссяў. Пакістан працягвае заставацца адным з нашых самых важных партнёраў у рэгіёне, і мы шмат супрацоўнічаем з яго ўрадам дзеля ўмацавання нашых трывалых адносін», — сказаў падчас прэс-брыфінгу ў чацвер галоўны намеснік прэс-сакратара Дзярждэпа ЗША Ведант Патэль.
У той жа час, як паведамляе выданне Islamabad Post, Пакістан ўсё ж выказаў ЗША прэтэнзіі «за бяздоказнасць абвінавачванняў і перашкоды законнаму гандлю тэхналогіямі камерцыйна-грамадзянскага прызначэння».
Нагадаем, што, паводле Дзярждэпа ЗША, МЗКЦ пастаўляў спецыяльныя шасі для транспартных сродкаў пакістанскай праграмы далёкіх балістычных ракет, якой кіруе Мінабароны Пакістана.
Канада паведаміла пра новыя санкцыі супраць беларускага рэжыму
Блізкі да Лукашэнкі бізнэсмен закупляе дэталі для расійскіх танкаў у Тайваня і Японіі. Хто ён?