Праваабаронцы: У наваполацкай калоніі палітвязняў катуюць холадам
Цяпер у наваполацкай калоніі ўтрымліваюцца мінімум 100 палітзняволеных.
27.04.2024 / 14:47
Адміністрацыя ўстановы працягвае ціск на палітвязняў — некаторых на доўгі тэрмін змяшчаюць у ШІЗА і ПКТ, пазбаўляюць спатканняў, перадач і званкоў, а таксама блакуюць ліставанне.
Акрамя гэтага, у калоніі вельмі холадна, у тым ліку праз тое, што адміністрацыя стварае пэўныя ўмовы, каб у памяшканнях былі скразнякі, піша «Вясна».
У штрафных ізалятарах вязняў таксама катуюць холадам. Ім забароненыя цёплыя рэчы, фізічныя практыкаванні выконваць нельга. Праз гэта ў людзей пачынаюцца праблемы са здароўем. У такіх умовах іх могуць утрымліваць па некалькі месяцаў запар.
У наваполацкай калоніі ўтрымліваюцца, сярод іншых, журналісты Андрэй Кузнечык, Андрэй Пачобут, Канстанцін Залатых, Ігар Лосік, Андрэй Аляксандраў, экс-прэтэндэнт у прэзідэнты Віктар Бабарыка.