Pra ranieńnie Urbanoviča stała viadoma 18 maja. 19 maja Dzianis z dapamohaj niekalkich dopisaŭ praz telefon parazmaŭlaŭ sa «Svabodaj», ad praciahłaj hutarki admoviŭsia pa stanie zdaroŭja.
«U mianie kantuzija vačej, čerapna-mazhavaja traŭma i paškodžańnie kalena. Ciapier u špitali. Ale psichałahična mnie ciažka — maje chłopcy zahinuli ŭ mianie na vačach, a ja ničoha nie moh zrabić. Byŭ mocny boj», — napisaŭ Dzianis Urbanovič.
Pra bai ŭ Bachmucie dachodzić supiarečlivaja infarmacyja. Pavodle źviestak ukrainskich aficyjnych krynic, vajskoŭcy USU prasunulisia napierad na poŭnačy i poŭdni ad horada, a rasijskija vojski niasuć vialikija straty.
Rasijskija krynicy zajaŭlajuć, što rehularnyja čaści armii RF i padraździaleńni PVK «Vahnier» praciahvajuć nastup z metaj zavałodać usim horadam.
U pačatku maja Dzianis Urbanovič raskazvaŭ, što bai za Bachmut nie ścichajuć; da rasijskaj artyleryi, jakaja praciahvaje źniščać horad, dałučyłasia i avijacyja, abodva baki niasuć straty, ale «straty rasijan značna bolšyja».
Čytajcie taksama:
Dzianis Urbanovič atrymaŭ čaćviortaje ranieńnie. U Bachmucie
Źjavilisia padrabiaznaści hibieli kalinoŭcaŭ u Bachmucie: «čaćviora zastalisia pad zavałami»
