Skrynšot videa na jutub-kanale «Žienŝiny tiažiołoho poviedienija»
Biełsat
Kali raptam vy jašče nie paśpieli pahladzieć sieryjał «Pracesy», to 31 śniežnia — dobry dzień dla taho, kab pad absurdysckuju trahikamiedyju Andreja Kašpierskaha i Michasia Zuja padvieści svaje vyniki hoda. Pieršy epizod pakažuć u 16:55.
U 22:20 pačniecca «Žestačajšy mult» — heta cykł animacyjnych parodyj na viadomyja savieckija i postsavieckija teleprahramy: «Iz zała suda», «Zdorovje», «Pole čudies», «Sielskij čas», «Očievidnoje nievierojatnoje», «Kałychanka», «Kłub kinoputiešiestvieńnikov», «V mirie životnych», «Čiełoviek i zakon» dy inšyja.
U 22:50 pačniecca pieršaja častka navahodniaha kancerta. U 23:50 prahučyć śviatočny zvarot Śviatłany Cichanoŭskaj da biełarusaŭ. Paśla 00:05 praciahniecca navahodni kancert, jaki ŭ 01:05 źmienić navahodniaje šou ad «Biełsata». U 02:05 pačniecca film-kancert «Narodny albom».
3 03:20 i da pałovy na piatuju ranku ŭ efiry budzie «Čyrvony štral» — kancert hurta «Krambambula».
Hodna
Padtrymlivać śviatočny nastroj abiacaje hramadskaja arhanizacyja «Hodna». U apošni dzień 2023 hoda a 19-j hadzinie pa Minsku na jaje jutub-kanale pačniecca navahodni vypusk. Abiacajuć ščyryja razmovy z haściami, muzyku, viasiołyja hulni i krychu refleksii pa sychodziačym hodzie.
Viadučymi anłajn-śviata stanuć błohiery Liza Vietrava i Mikita Bialevič. U hości da ich pryjduć Mikita Miełkazioraŭ, viadučy jutub-kanałaŭ «Žyćcio-malina» i «Zahlanie sonca», hurt NaviBand, Nasta Bazar, ČORNABROVA — jana ž śpiavačka Palina Dabravolskaja.
«Z nadychodziačym Novym hodam, daražeńkija! Chaj jon budzie raznastajnym, cikavym, tvorčym, zachaplalnym, ščaślivym! A my — kamanda «Hodna» — budziem razam z vami, kab zachaplacca Biełaruśsiu, biełaruskami i biełarusami, radavać vas jakasnym kantentam! Zastavajciesia z nami i ź biełaruskaj kulturaj, napieradzie ŭsio samaje cikavaje!» — kaža Alina Hieraščanka, kiraŭnica «Hodna».
«o(b)suždajem»: Christmas edition
Siamnacaty vypusk humarystyčnaha šou «o(b)suždajem» viadučyja Vania Prus i Hleb Siamionaŭ zrabili śviatočnym. Jany vyrašyli padvieści vyniki hoda i razdać zvańni i tytuły — a zaadno i ŭručyć załatyja oskaraŭskija statuetki «mejd in čajna» (uznaharoda, darečy, dastałasia i «Našaj Nivie» — za člen Hajdukieviča).
Lohka, śmiešna i nienapružna. Mabyć, jakraz toje, što patrebna naprykancy davoli ciažkaha hoda.
Kaladny kvaternik u Marho Laŭčuk
Marharyta Laŭčuk i Alaksandr Pamidoraŭ
Kali vy nie paśpieli pahladzieć kvaternik opiernaj dzivy Marharyty Laŭčuk na Kalady, ciapier samy čas.
U vypusku — NAVIBAND, KOOB, Siaržuk Doŭhušaŭ, hurt mužčynskich śpievaŭ «Kasary», Piatro Klujeŭ, Alaksandr Pamidoraŭ, pijanist Kirył Kieduk, Alena ŽałudOk i Hieorhij Dabro.
«Premjera šaści novych piesień! Sučasnyja aranžyroŭki viadomych i tradycyjnych piesień, aŭtarskija tvory, kruty vajb, žarty i śviatočny nastroj, supierskija vobrazy artystaŭ — heta treba bačyć!» — abiacaje kamanda kvaternika.
Słuchać i spampavać pieśni z kvaternika možna tut.
Novy hod z «Obyčnym utrom»
Usie pieśni z navahodnich efiraŭ «Obyčnoho utra» sabrali ŭ adno videa.
«Atrymlivajcie asałodu ad akustyčnych viersij lubimych piesień J:MORS, NAVIBAND i Lavona Volskaha, a taksama aŭtarskich tvoraŭ Dzianisa Dudzinskaha», — anansuje kanał.
Aliŭje-batł ad Chalezina
Navahodni vypusk kulinarnaha šou «Pieratrem». Za śviatočnym stałom režysior Mikałaj Chalezin sabraŭ svaich siabroŭ i zładziŭ aliŭje-batł dvuch receptaŭ: francuzskaha (aryhinalnaha) i savieckaha. Jaki varyjant akazaŭsia smačniejšy?
U haściach viadučyja Dzianis Dudzinski i Kacia Rajeckaja, salisty hurta NAVIBAND Arciom Łukjanienka i Ksienija Žuk.
«Žienŝiny tiažiołoho poviedienija»
Heta śpiecyjalny vypusk žanočaha šou, pryśviečany Novamu hodu i starym pravavym zvyčkam, jakija nie chočacca brać z saboj u nadychodziačy hod.
Za navahodnim stałom sustrenucca śmiełyja žančyny, jakija adnojčy vyrašylisia ŭziać žyćcio ŭ svaje ruki, abaraniać svajo, vybirać siabie i zaŭždy adstojvać svaje intaresy. Aŭtarki šou — Maryna Mientusava, Kaciaryna Rajeckaja i Nastaśsia Karasiova. A ŭ hości pryjduć Taisija Biekbułatava (zasnavalnica niezaležnych vydańniaŭ «Choład» i «Kosa», adna sa 100 samych upłyvovych i natchnialnych žančyn śvietu 2022 hoda pa viersii «Bi-bi-si»), Renata Niemlichier (hieštalt-terapieŭtka) i Zalina Maršankułava (žurnalistka, fieministka, aŭtarka telegram-kanała «Žanočaja ŭłada»).
Pryjemny bonus: usie karysnyja parady z vypusku ŭžo sabrany ŭ zručny ček-list, jaki možna spampavać, kab potym vykarystoŭvać jaho ŭ składanych žyćciovych situacyjach.
Tok sa Śviatłanaj Cichanoŭskaj
Nu i viadoma, novy «Tok» sa Śviatłanaj Cichanoŭskaj — rysa, jakuju my padvodzim pierad novym 2024 hodam. U im spałučeńnie pryvatnaha i hramadska važnaha. Adkazy na pytańni našych hledačoŭ i čytačoŭ «Našaj Nivy», ludziej, jakija zastajucca ŭ Biełarusi, a taksama łukašenkaŭcaŭ i prosta chiejtaraŭ. Jak traplajuć ludzi ŭ Kabiniet, ci žyvie ŭ raskošy dy inšyja. U razmovie šmat asabistaha: ci škaduje, što pajšła ŭ CVK, ci stamiłasia, ci prabačyć Łukašenku, što b skazała tym, chto nabyŭ kvateru Cichanoŭskich, ci žyćcio — turma i ci maje svaju asabistuju prastoru svabody. U hutarcy — pasłańnie ŭładam Litvy i novym uładam Polščy, a taksama Alaksieju i Julii Navalnym. I viadoma — vinšavańnie biełarusaŭ z Novym hodam: tym, chto sustrakaje jaho ŭ turmie i na voli. Absalutna vartaja prahrama.
00:00 — vyrvana z kantekstu
00:25 — jak sustrakaje Novy hod
02:13 — ci čytaje «Sovietskuju Biełoruśsiju»
02:50 — ci škaduje, što pajšła ŭ CVK u 2020 hodzie
04:19 — što b skazała tym, chto nabyŭ kvateru Cichanoŭskich
06:36 — pra žyćcio ŭ rajonie «Uschod» u Minsku
07:26 — jak spałučała vybarčuju kampaniju z vykładańniem u škole
10:23 — jak pieramahła svoj hałoŭny strach
14:43 — što dzieci pamiatajuć pra Biełaruś
17:33 — apošnija naviny pra Siarhieja Cichanoŭskaha
18:58 — žyćcio — turma?
24:11 — dzie prastora svabody
25:16 — kali pračynajecca i kolki pracuje
27:19 — adkazy na pytańni hledačoŭ TOKa i čytačoŭ «Našaj Nivy»
27:55 — čamu nie zvalniaje Franka Viačorku
29:28 — Prakopjeŭ — čałaviek-śviata
33:09 — ci varta pryznać parazu dziela vyzvaleńnia palitviaźniaŭ
34:30 — «Adpuści ludziej, nie budź bajaźliŭcam»
36:13 — pytańni ad ludziej znutry Biełarusi
38:02 — što padšturchoŭvaje Biełaruś da Rasii
41:21 — kali sydzie z palityki i čamu nie sychodzić
43:19 — jak zamarozka kanfliktu va Ukrainie paŭpłyvaje na Biełaruś
44:34 — ci ŭźnikła chimija ź Zialenskim
48:47 — ab pryznačeńni Hienadzia Mańko
51:14 — jak aceńvaje pracu Sachaščyka
52:17 — kaho pryznačyć na zamienu Azaravu
53:17 — pra raskoł u «Bajpole»
54:52 — što novaha adkryła pra Łatušku
56:33 — pra «płan Prakopjeva»
1:00:33 — pra sproby pieraciahnuć čynoŭnikaŭ na svoj bok
1:02:14 — z čaho mohuć vyraści pieramieny
1:05:06 — čaho čakać ad Łukašenki ŭ hod jakaści
1:07:04 — ci baicca Łukašenka Cichanoŭskaj
1:09:18 — čamu Łukašenka vajuje z žančynami
1:11:01 — pra Maryju Kaleśnikavu i Vieraniku Capkała
1:13:04 — pytańni ad łukašenkaŭcaŭ: «Kali b pryjšła Cichanoŭskaja, była b vajna»
1:14:35 — dzie brać resursy, kali nie ŭ Rasii
1:15:44 — što kazać tym, kamu niavažnaja demakratyja
1:16:49 — Cichanoŭskaja adkazała, ci žyvie ŭ raskošy
1:19:48 — što paradavała ŭ 2023 hodzie
1:23:08 — pra sustreču z Bajdenam u Vilni
1:26:35 — pasłańnie kiraŭnictvu Litvy
1:30:00 — pasłańnie novamu ŭradu Polščy
1:33:47 — jak źmianiłasia pazicyja pa Rasii
1:35:10 — čamu ŭ Rasii niama svajoj Cichanoŭskaj
1:38:12 — što b skazała Alaksieju i Julii Navalnym
1:39:36 — što rabić biełarusam na vybarach u 2024 hodzie
1:41:24 — ci skončycca mandat Cichanoŭskaj u 2025-m
1:46:53 — chto budzie novym prezidentam Biełarusi
1:48:38 — BLIC: Kačanava ci Hałoŭčanka, Filipienka ci Horvat, adna dziaržaŭnaja mova ci dźvie
1:52:08 — čałaviek hoda
1:52:50 — što b skazała palitviaźniam
1:54:26 — što b skazała prychilnikam Łukašenki
1:55:39 — ci prabačyć Łukašenku
1:56:53 — zyčeńni biełarusam u novym hodzie
Čytajcie taksama:
Vyjšaŭ biełaruski sieryjał «Pracesy». Raskazvajem, čaho čakać
Marharyta Laŭčuk zaprašaje na kaladny kvaternik. Dałučycca možna anłajn
