Niahledziačy na paciapleńnie, filijał «Minskija ciepłavyja sietki» RUP «Minskenierha» nie budzie adklučać aciapleńnie ŭ kvaterach i na abjektach sacyjalnaj śfiery, paviedamlaje telehram-kanał viedamstva.
Staličnyja ciepłasietki praciahnuć padtrymlivać tempieraturu ciepłanośbita, jakaja adkazvaje sacyjalnym normam. Kab žychary kamfortna siabie adčuvali i nie było pierahrevu batarej, na čas paciapleńnia tempieraturu vady ŭnutry aciaplalnych pryboraŭ skarektujuć z tempieraturnym hrafikam.
«Adnak adklučeńnia aciapleńnia spažyŭcoŭ na pieryjad paciapleńnia da aficyjnaha zaviaršeńnia aciaplalnaha siezona vyrablacca nie budzie», — havorycca ŭ paviedamleńni.
U Minskenierha nahadali, što rašeńnie pra toje, kab zaviaršyć aciaplalny siezon, prymajuć abł-, raj– i harvykankamy. Pry hetym jany ŭličvajuć prahnozy Biełhidramieta. U Minsku ž adklučeńnie aciapleńnia ažyćciaŭlajecca tolki pa rašeńni Minharvykankama.
U žyłym fondzie prypyniajuć aciapleńnie zvyčajna pry ŭstalavańni siaredniasutačnaj tempieratury vonkavaha pavietra +8°C, jakaja pavinna trymacca troje sutak. U sacyjalnaj śfiery (balnicy, dziciačyja sady, škoły) spyniajuć tapić, kali na praciahu takoha ž času termomietry pakazvajuć +10°C.
Čytajcie taksama:
Aciapleńnie zaraz u Biełarusi buduć uklučać chutčej
