Pasoł zapeŭniŭ, što pasolstva Biełarusi ŭ Rasii ŭ suviazi z terarystyčnaj atakaj u padmaskoŭnym «Krokus Sici Chole» praciahvaje pracu ŭ kruhłasutačnym režymie. «Naša konsulskaja słužba, aficyjnyja pradstaŭniki pravaachoŭnych orhanaŭ znachodziacca na pramoj suviazi sa svaimi rasijskimi kalehami», — skazaŭ jon.
«Ciapier idzie praces vyśviatleńnia asoby ŭsich paciarpiełych. Pavodle najaŭnaj u pasolstvie infarmacyi, adzin hramadzianin Biełarusi znachodzicca ŭ vielmi ciažkim stanie, za jaho žyćcio zmahajucca miedyki. Čakajem publikacyi źviestak ab zahinułych», — dadaŭ Dźmitryj Kruty.
***
Taksama viadoma, što troje dziaciej zahinuli ŭ vyniku teraktu. Pra heta paviedamili ŭ Ministerstvie achovy zdaroŭja Padmaskoŭja. Pavodle apošnich źviestak viedamstva, kolkaść paciarpiełych pavialičyłasia da 121. Jak minimum 60 čałaviek zahinuli.
Telehram-kanał «112» sa spasyłkaj na krynicy paviedamlaje pra 183 paciarpiełych i 82 zahinułych u vyniku teraktu.
Čytajcie taksama:
Na abvieščanaj u vyšuk mašynie pierasoŭvalisia ŭradžency Tadžykistana
Terakt u «Krokus Sici Chole» pad Maskvoj. Što viadoma na 8:30 ranicy
Pieršyja fota z «Krokus Sici Choła» paśla ŭvachodu ratavalnikaŭ
Što viadoma pra ludziej, jakija napali na «Krokus Sici Choł»
