На мяжы з Польшчай лукашысты паставілі білборд, які пераконвае, што дыктатура лепшая за дэмакратыю. Але не здолелі напісаць без памылкі 19
Чытачы выдання «Зеркало» заўважылі на мяжы з Польшчай новую сацыяльную рэкламу, якая, мяркуючы з тэксту, мае пераканаць падарожнікаў у тым, што дыктатура Лукашэнкі спраўнейшая за еўрапейскую дэмакратыю.
Білборд знаходзіцца на беларускім баку міжнароднага аўтамабільнага пункта пропуску «Брэст». На ім намаляваныя чатыры рукі. Мужчынская далонь сціскае жаночую, жаночая трымае бірульку з ключамі, а дзіцячыя пальчыкі ўхапіліся за чып ад дамафона.
Пад фатаграфіяй вялікімі літарамі нанесены тэкст на англійскай, рускай і польскай мовах:
«Наша «дыктатура» робіць для людзей больш, чым ваша «дэмакратыя».
Праўда, па-англійску «чым» гэта than. А аўтары білборда напісалі then (пасля, потым).
Гэтыя ключы пэўна павінны дэманстраваць жыллё і ўсё такое. Але дзіўна гэта паказваць напрыклад палякам, бо адразу пры ўездзе ў сінявокую паляк акунаецца ў царства драўляных хат у вёсках крытых шыферам з бульбай у агародзе. І так да самай сталіцы. У той час як у Польшчы любая вёска выглядае як мінскія Дразды. Тут нават самы тугадум зразумее, што Беларусь краіна бедная і эканамічна адсталая, а плакат не адпавядае рэальнасці.