Малітва каля целаў загінулых. Фота: Hatem Ali / AP
Камандаванне Арміі абароны Ізраіля апавясціла ААН, што ўсё насельніцтва паўночных раёнаў сектара Газы павінна быць эвакуявана на поўдзень сектара ў найбліжэйшыя 24 гадзіны, піша newsru.co.il.
Пра гэта паведаміў прадстаўнік ААН, адзначыўшы, што на поўначы сектара Газы пражывае каля 1,1 мільёна чалавек.
ХАМАС заклікаў жыхароў сектара Газы «не паддавацца на прапаганду і не падпарадкоўвацца загадам ЦАХАЛ аб эвакуацыі».
Раней Упраўленне ААН па каардынацыі гуманітарных пытанняў абвясціла, што больш за 423 тысячы чалавек у сектары Газы былі вымушаныя пакінуць дамы пасля пачатку вайны з Ізраілем.
Агенцтва ААН па аказанні дапамогі палесцінскім уцекачам паведамляе, што ў іх прытулак у сектары прыбылі больш за 150 тысяч жыхароў, і памяшканні запоўненыя на 100%.
Чакаецца эвакуацыя бежанцаў на тэрыторыю Егіпта, у Эль-Арыш.
Чытайце таксама:
Затрымалі аднаго з лідараў ХАМАС, спікера парламента Палесціны Азіза Дуэйка
Нетаньяху апублікаваў фота забітых і спаленых ізраільскіх немаўлят. Асцярожна, жорсткія кадры
Амбасада Беларусі ў Ізраілі — беларусам: самалёты лётаюць, КПП працуюць
