«Пракурор санкцыянаваў прымяненне названай меры стрымання з улікам абставін і цяжару зробленага, асобы абвінавачанага, які неаднаразова праходзіў стацыянарнае лячэнне ў ДУ «Рэспубліканскі навукова-практычны цэнтр псіхічнага здароўя», — гаворыцца ў прэс-рэлізе пракуратуры.
12 лютага паведамлялася, што мужчыну адправілі ў РНПЦ псіхічнага здароўя.
За два дні да гэтага, у суботу 10 лютага, ён нанёс фельчарам, якія прыехалі да яго дахаты па выкліку, не менш за 20 удараў у вобласць галавы і твару. Толькі дзякуючы таму, што бацька, які прыбег на шум, здолеў паваліць сына на падлогу і забраць у яго сякеру, справа не скончылася зусім трагічна.
Як расказаў бацька мужчыны, ён ужо больш за 10 гадоў пакутуе на псіхічнае расстройства і літаральна за пяць дзён да здарэння яго выпісалі з бальніцы пасля чарговага лячэння. Аднак лепш яму не стала.
Чытайце таксама:
На АНТ расказалі падрабязнасці нападу на дактароў хуткай дапамогі ў Мінску
На мужчыну, які напаў на брыгаду хуткай дапамогі з сякерай, завялі крымінальную справу
У Мінску пацыент напаў з сякерай на брыгаду хуткай дапамогі. Медыкі ў рэанімацыі