Ілюстрацыйнае фота. Тэлеграм-канал Белграніца
Польшча і Літва больш за суткі не выпускаюць з Беларусі аўтобус з дзецьмі — удзельнікамі малдаўскай харавой студыі «Рапсодыя» з Кішынёва, ім не дазваляюць перасекчы мяжу. Пра гэта паведаміла кіраўніца калектыву, заслужаная артыстка Малдовы Наталля Барабаншчыкава ў сацсетках, піша absatz.media.
22 сакавіка хор выступіў у Варшаве, а затым адправіўся на канцэрт у Беларусь. Пасля выступу дзеці на аўтобусе выехалі з Брэста і паспрабавалі выехаць праз мяжу з Польшчай, аднак іх не прапусцілі.
«Існуе нейкі закон, пра які не ведае ніхто ў нашай краіне, што мы не можам як транзітныя пасажыры, паколькі мы не рэйсавы аўтобус, выехаць з Беларусі. Наша амбасада параіла нам праехаць праз Літву, з мяжы Літвы нас вяртаюць назад у Беларусь», — распавяла Барабаншчыкава.
Цяпер людзі ніяк не могуць вярнуцца ў Малдову. Аўтобус ахоўваюць аўтаматчыкі і нікога не выпускаюць, дадала кіраўнік студыі.
Да памежнага пункта выехаў консул Малдовы ў Беларусі. Кіроўцу аўтобуса «выпісалі адмову аб уездзе з прычыны пагрозы бяспецы Літвы».
Чытайце таксама:
Гродзенскі перавозчык прыдумаў геніяльны ход, як хутка перасекчы мяжу аўтобусу. І зэканоміў суткі
Квіткоў на аўтобусы з Беларусі ў Літву не дакупіцца. Колькасць рэйсаў скарачаецца, цэны растуць