На продаж выстаўлена пяціпакаёўка на 11-м паверсе. Яе агульная плошча каля 310 квадратаў, жылая — амаль 205. А на кухні там лёгка змесціцца кватэра сярэднестатыстычнага беларуса — бо для прыгатавання і ўжывання ежы тут адведзены ажно 61 квадрат.
Фота з сайту realt.by
Ёсць тры спальні, чатыры санвузлы, пральны пакой, чатыры лоджыі з панарамнымі вокнамі і цудоўным відам на горад і два балконы.
Фота з сайту realt.by
Удакладняецца, што рамонт у кватэры рабілі ў 2019 годзе па спецыяльным дызайн-праекце. Выкарыстоўваліся толькі высакаякасныя дарагія матэрыялы. Мяккая мэбля выканана з масіву азіяцкіх парод дрэва. Шмат дэталяў, мэблі, дэкору выкананы пад заказ і прывезены з-за мяжы.
Фота з сайту realt.by
Прадумана сістэма акустыкі і шумапрыглушэння. На падлозе ў пакоях італьянскі керамаграніт, у санвузлах — керамічная плітка. Па ўсёй кватэры падлога з падагрэвам. Дзве купалападобныя столі, адзін з купалаў у дыяметры складае больш за 3 метры. Дэкор столяў выкананы ручным роспісам вядомага мастака.
Фота з сайту realt.by
Заўсёды выглядае кранальна, калі ў аб'явах аб продажы элітнай нерухомасці ўдакладняюць, колькі трэба ісці да бліжэйшай станцыі метро.
Каб матываваць купіць кватэру, агенцтва нерухомасці паведамляе пра прыемную энергетыку там.
Дарэчы, гэта не самая дарагая кватэра, якую можна набыць у беларускай сталіцы. У тым жа доме — на вуліцы Старажоўскай, 6 — прадаецца чатырохпакаёўка плошчай 260 квадратаў за 1,8 мільёна даляраў.
Чытайце таксама:
Гэта самая танная кватэра ў Мінску
У Мінску за мільён рублёў прадаюць чатырохпавярховую кватэру. І гэта не цэнтр горада
У гістарычным цэнтры Гродна прадаюць кватэру з голымі сценамі. Голымі ў прамым сэнсе
