У Баранавічах арыштавалі чорнага капача Аляксея Лопуха з «арсеналам зброі». Пры чым тут апазіцыя? 1

У тэлеэфіры Лопуха называюць «зброевым баронам». Ён прызнаецца, што спажываў наркотыкі. Змагаецца з залежнасцю паўтара года.

У сюжэце АНТ адзначаецца, што 10 гадоў таму ў адносінах Лопуха праводзілася праверка, у яго тады канфіскавалі нейкую нацысцкую літаратуру, а таксама «сімволіку пратэставай накіраванасці». Супраць чаго у 2014-м пратэставаў у сябе дома Лопух, незразумела.

Наступны аргумент — Лопух пакідаў у інтэрнэце «негатыўныя каментары», а таксама інструкцыі па вырабе выбухованебяспечных прадметаў.

Нарэшце, маці Аляксея ўдзельнічала з пратэстах 9 жніўня 2020 года ў Баранавічах і ў іншых несанкцыянаваных акцыях, а пасля дасылала знятае відэа ў тэлеграм-каналы.

Цяпер праводзіцца балістычная экспертыза знойдзенай зброі.

Nashaniva.com