Дакумент устанаўлівае абмежаванні на выплату дывідэндаў замежным уласнікам маёмасці юрыдычных асоб Беларусі.
Беларуская юрыдычная асоба зможа выплачваць сваім замежным удзельнікам і ўласнікам маёмасці размеркаваны прыбытак або налічаныя дывідэнды толькі з дазволу аблвыканкама або Мінгарвыканкама пры выкананні гэтай юрыдычнай асобай шэрагу крытэрыяў.
Абмежаванні прымяняюцца ў тым выпадку, калі сума выплачаных на працягу года прыбытку і дывідэндаў перавышае ў сукупнасці на ўсіх замежных удзельнікаў, уласнікаў маёмасці 80 тысяч базавых велічынь (на цяперашні момант гэта 3,2 млн рублёў) або эквівалент гэтай сумы ў замежнай валюце па афіцыйным курсе Нацбанка Беларусі.
Каб атрымаць прыбытак і дывідэнды, трэба адпавядаць шэрагу крытэраў — ад узроўню заробку да запазычанасцяў у ФСАН.
У спісе недружалюбных краін, удакладняецца ў дакуменце, — дзяржавы ЕС, Аўстралія, Канада, Ліхтэнштэйн, Нарвегія, Новая Зеландыя, Албанія, Ісландыя, Паўночная Македонія, Вялікабрытанія, ЗША, Чарнагорыя і Швейцарыя.
Пастанова набудзе моц 24 красавіка і будзе дзейнічаць да 31 снежня 2025 года.
Чытайце таксама:
Інфляцыя ў Літве — 0,4%, у Польшчы — 2,7%. У Беларусі пакуль 5,6%
Беларусь знайшла партнёра ў Афрыцы. Гэта манархія, дзе ў караля 15 жонак
Эканаміст Крук: Да 90% беларускага экспарту завязана на Расіі
