Уладзімір Зяленскі. Фота: AP Photo/Efrem Lukatsky
Уладзімір Зяленскі падкрэсліў, што Украіна чакае крокаў Еўрасаюза, неабходных для пачатку ўступных перамоваў з Украінай, але пашырэнне павінна тычыцца і іншых еўрапейскіх дзяржаў.
«Мы выканалі ўсе ўмовы для таго, каб у чэрвені была зацверджаная перамоўная рамка і рэальна пачаліся перамовы аб уступленні Украіны ў Еўрасаюз. Гэтак жа важна, каб для іншых народаў, якія заслугоўваюць быць у Еўрасаюзе — еўрапейскае адзінства сапраўды працавала, каб яны таксама рэалізавалі свой кандыдацкі статус», — растлумачыў Зяленскі.
Прэзідэнт Украіны таксама акрэсліў пералік дзяржаў, якія ён бачыць у складзе будучага Еўрасаюза.
«Еўропа — гэта і Балканы, і Малдова, і будзе абавязкова Дзень Еўропы для Грузіі і Дзень Еўропы для Беларусі», — заявіў ён, упершыню абвясціўшы бачанне Украіны адносна будучага ўступлення Беларусі ў ЕС.
Характэрна, што ў гэтым пераліку дзяржаў ён не назваў Турцыю, якая фармальна мае статус краіны-кандыдата, але перамовы з якой спыненыя.
Зяленскі таксама дадаў, што гэтую пазіцыю падзяляюць і прадстаўнікі Еўрапейскага парламента.
«Усё гэта ўжо адлюстравана пазіцыямі Еўрапарламента, і сапраўды важна ўсё гэта рэалізаваць», — падкрэсліў ён.
Чытайце таксама:
Расійскае МУС пасля розгаласу перастала шукаць Зяленскага і Парашэнку
Зяленскі паставіў Пуціна ў адзін шэраг з Гітлерам
СБУ заяўляе аб спробе замаху на Зяленскага: затрыманы двое палкоўнікаў упраўлення Дзяржаховы