Інцыдэнт адбыўся ў пачатку года. Кантралёрка зайшла ў аўтобус, каб праверыць у пасажыраў праязныя дакументы. Пасля праверкі жанчына пачала выходзіць з аўтобуса, але гэтага не заўважыў кіроўца.
Ён зачыніў дзверы, у выніку чаго ў жанчыны ў дзвярах заціснула руку. Аўтобус адразу ж пачаў рух. Кантралёрка ўпала, а затым трапіла пад колы гэтага ж аўтобуса. З траўмамі рознай ступені цяжкасці жанчыну шпіталізавалі, піша «СБ».
Следства вызначыла, што вінаватым у сітуацыі стаў кіроўца, які груба парушыў ПДР — ён не паглядзеў у люстэрка задняга віду і не пераканаўся ў бяспецы руху, перш чым ад'ехаць ад прыпынку.
Кіроўца прызнаў віну і атрымаў два гады «хатняй хіміі» за парушэнне правіл дарожнага руху і эксплуатацыі транспартных сродкаў, якія пацягнулі па неасцярожнасці прычыненне цяжкага цялеснага пашкоджання. Акрамя таго, яго пазбавілі правоў кіроўцы на тры гады.
Таксама «Гомельаблаўтатранс» павінен будзе выплаціць кантралёрцы 18 тысяч рублёў кампенсацыі.
Чытайце таксама:
У Пецярбургу аўтобус з 20 пасажырамі зваліўся ў ваду. Ёсць загінулыя
Аўтобус, які перавозіў дзяцей, цалкам згарэў на трасе ў Дзяржынскім раёне
«Давялося ў Беларусь ехаць аўтобусам». У Польшчы ашуканцы крадуць нумарныя знакі з беларускіх аўто
