У Тбілісі актывісты сарвалі ЛГБТ-фестываль. На пляцоўцы мерапрыемства пачаліся пагромы

Але, калі пра тэму нататкі на НН: у выпадку ў Грузіі відавочнае парушэнне права на мірны сход. І не мае значэння, што на гэтым мірным сходзе будуць рабіць. Калі не парушаюцца правы іншых людзей, не прапагандуецца гвалт, вайна і нацысцкія ці расісцкія ідэалогіі, то права на мірны сход мае прыарытэт, як адно з правоў чалавека, згодна з Усеагульнай дэкларацыяй правоў чалавека і Еўрапейскай канвенцыяй аб правах чалавека. І дзяржава сваімі сілавымі структурамі абавязаная забяспечыць выкананне гэтага права, у тым ліку, праз эфектыўную абарону ад праціўнікаў, якія могуць ажыццяўленню права на мірны сход пэўнай групай паспрабаваць перашкодзіць.  
Грузія з'яўляецца чальцом Рады Еўропы, адпаведна, абавязаная выконваць Еўрапейскую  канвенцыю аб правах чалавека. Яна свае абавязкі паводле гэтага дакумента не выканала. Зараз арганізатары фестывалю маюць права звярнуцца ў Еўрапейскі суд у правах чалавека з пазовамі аб вызнанні парушэння права на мірны сход і патрабаваннем кампенсацыі і эфектыўнага выпраўлення сітуацыі. І якраз набліжаецца новы разгляд кандыдацтва Грузіі ўжо ў іншую еўрапейскую арганізацыю - Еўрапейскі Саюз. Летась Грузія аказалася адзінай краінй з тых, якія падавалі заяўкі ў ЕС, якая не атрымала нават статусу краіны-кандыдата. Пры гэтым у рэкамендацыях ЕС, якія Грузія мусіла выканаць, асобным пунктам прапісаныя правы меншасцяў. Старшыня кіруючай партыі "Грузінская Мара" літаральна некалькі дзён таму заявіў, што да канца года Грузія атрымае статус краіны-кандыдата ў ЕС, бо ўсе рэкамендацыі па прывядзенні сітуацыі ў краіне да стану, які дазваляе шлях інтэграцыі ў структуру Еўрасаюзу, Грузія выканала. Сіутацыя з няздольнасцю  дзяржаўнага апарату Грузіі забяспечыць выкананне  права ЛГБТК+-супольнасці  на мірны сход у абарону сваіх правоў паказала, што заява Іраклія Кабахідзэ з'яўляецца заўчаснай і не адлюстроўвае рэальную сітуацыю. Гэта можа (і павінна) паўплываць на рашэнне ЕС адносна стутусу ў  кандыдацтва.