У Гомелі пасадзілі на суткі начальніка аддзела праектнага інстытута
Прозвішча начальніка трэцяга аддзела землеўпарадкавання праектнага інстытута «Гомельдзіпразем» Андрэя Варуева выданне «Флагшток» заўважыла сярод падсудных у судзе Цэнтральнага раёна Гомеля. 2 красавіка яго судзілі за распаўсюд «экстрэмізму» (ч. 2, арт. 19.11 адміністрацыйнага кодэкса).
Андрэй Варуеў. Фота з асабістай старонкі ў сацсетцы
Журналіст «Флагштока» патэлефанаваў у інстытут пад выглядам кліента. Калега Андрэя Варуева паведаміў, што, на вялікі жаль, начальнік трапіў у нядобрую сітуацыю і цяпер не на працы. Ператэлефанаваць прапанаваў праз 15 дзён.
Прычынай затрымання Андрэя Варуева маглі стаць лайкі на яго закінутай старонцы ў адной з сацсетак.
Чытайце таксама:
Жыхара Ваўкавыска затрымалі за каментар пра гібель супрацоўніка ДАІ
Міліцыянты не змаглі ў судзе даказаць непадпарадкаванне віцябляніна
Сілавікі затрымалі работніка «Нафтана» з-за каментароў пра Карпянкова
