МЗС Таджыкістана заявіла пра хлусню Патрушава
МЗС Таджыкістана афіцыйна абвергла заяву сакратара расійскай Рады бяспекі Мікалая Патрушава адносна таго, што амбасада Украіны ў Душанбэ нібыта вербавала наймітаў.
Мікалай Патрушаў. Фота: Pavel Bednyakov, Sputnik, Kremlin Pool Photo via AP, File
«Звярнулі ўвагу на заяву сакратара Рады бяспекі Расійскай Федэрацыі Мікалая Патрушава, якая распаўсюдзілася ў інфармацыйнай прасторы Расіі і іншых дзяржаў аб нібыта вярбоўцы пасольствам Украіны ў Душанбэ наймітаў для ўдзелу ў баявых дзеяннях супраць Расіі.
Адзначаем, што гэтае сцвярджэнне расійскай службовай асобы не мае пад сабой ніякіх падстаў», — сказаў прэс-сакратар МЗС Таджыкістана Шахін Самадзі.
Патрушаў выступіў з такімі заявамі два дні таму, 4 красавіка. З ягоных слоў, украінская амбасада набірае ў Таджыкістане людзей у інтэрнацыянальны легіён для вядзення баявых дзеянняў.
Чытайце таксама:
Патрушаў: Сляды тэракту ў «Крокусе» вядуць да спецслужбаў Украіны
«Канечне, Украіна». Патрушаў адказаў, хто датычны да тэракту ў «Крокусе»
У тэрарыстаў, што напалі на «Крокус Сіці Хол», былі ў тэлефоне фота ўкраінскіх вайскоўцаў — СК РФ
