П'яны 24-гадовы беларус буяніў у ноч на нядзелю на вакзале нямецкай Геры
Ён аказаў актыўны супраціў і быў узяты пад варту, але і пасля працягнуў агрэсію.
Фота: facebook.com/polizeibrandenburg
У нямецкім горадзе Гера, федэральная зямля Цюрынгія, затрымалі нецвярозага 24-гадовага беларуса, які ўчыніў беспарадак на аўтавакзале. Пра гэта паведамляе сайт «Беларусы і свет» са спасылкай на мясцовую паліцыю.
Вартавых парадку выклікалі на прывакзальную тэрыторыю ў ноч на 21 красавіка, прыкладна ў 00:25, з-за мужчыны, які разбіў аконную шыбу.
Той раптам стаў уцякаць, сутыкнуўшыся ў працэсе з праваахоўнікамі. Ён аказаў актыўны супраціў і быў узяты пад варту. Але і тут працягнуў паводзіць сябе агрэсіўна.
Тлумачыцца, што па факце вядзецца разбіральніцтва, нашаму суайчынніку прыйшлося ўнесці заклад.
Чытайце таксама:
Юны і п'яны мінчук-наркаман напракудзіў у дзіцячым садку і разнёс два пад'езды. Як яго пакаралі?
П'яны жыхар Барысаўскага раёна адрэзаў сабаку вушы. Ён сцвярджае, што спрабаваў яму дапамагчы
