Biełarus u maskoŭskim aeraporcie nie zadekłaravaŭ dziasiatki tysiač jeŭra. Heta jamu vylezie bokam
Padčas pravierki na «zialonym» kalidory ŭ maskoŭskim aeraporcie «Unukava» byŭ spynieny 25-hadovy hramadzianin Biełarusi dla dadatkovaha kantrolu. Pasažyr zajaviŭ, što ŭ jaho ŭsiaho 50 tysiač jeŭra, adnak pry praviercy ŭ jaho znajšli značna bolšuju sumu, paviedamiła Fiederalnaja mytnaja słužba Rasii.
Fota: customs.gov.ru
Biełarus patłumačyŭ, što viedaje praviły pravozu hrošaj praz mytniu, ale hetym razam vyrašyŭ nie dekłaravać usiu sumu. Ciapier adnosna jaho razhladajecca mahčymaść zaviadzieńnia kryminalnaj spravy pa artykule ab kantrabandzie najaŭnych hrošaj u bujnym pamiery. U vypadku abvinavačvańnia jamu pahražaje štraf u pamiery ŭ 15 razoŭ bolšym za sumu pravozu ci turemnaje źniavoleńnie da 4 hadoŭ.
Uvohule pry pierasiačeńni miažy JEAES suma najaŭnych hrošaj, jakaja pieravyšaje 10 tysiač dalaraŭ, pavinna być abaviazkova zadekłaravanaja. Kali ž suma bolšaja za 100 tysiač, to patrabujucca dadatkovyja dakumienty ab pachodžańni srodkaŭ.
Čytajcie taksama:
U 24-hadovaj biełaruski na miažy z Polščaj znajšli 40 ajfonaŭ
Ukrainka na miažy ź Biełaruśsiu ŭ zialonym kanale skazała pra hrošy. Minus $26 tysiač
Litoŭskija mytniki kanfiskavali na biełaruskaj miažy dva futurystyčnyja aŭtamabili FOTAFAKT
