Biełaruś i Rasija raspracujuć adzinyja paniaćci ŭ histaryčnaj navucy
Hetym zajmajecca sumiesnaja histaryčnaja kamisija.
Fota ilustracyjnaje
Były ministr kultury Rasii, a ciapier pamočnik Pucina Uładzimir Miadzinski zaklikaŭ da «bolšaj zbałansavanaści» ŭ vykładańni historyi ŭ Rasii i Biełarusi.
Na dumku sustaršyni sumiesnaj ekśpiertna-kansultatyŭnaj rady, dźvium krainam nieabchodna pryjści da maksimalnaj zbałansavanaści vykładańnia historyi, u tym liku i ŭ školnaj, i ŭ prafiesijna-techničnaj, i ŭ vyšejšaj adukacyi, paviedamlaje TASS.
«Kali nie my budziem raskazvać pra našu historyju našym dzieciam, značyć, pra heta raskažuć adpaviednyja zamiežnyja fondy. Heta budzie zusim inšaja historyja, i ŭjaŭleńni pra dabro i zło ŭ našych padrastajučych pakaleńniaŭ taksama buduć tymi, jakija chočuć našy hieapalityčnyja kankurenty, miakka skažam», — zajaviŭ Miadzinski.
Pavodle jaho słoŭ, budzie praciahnuta ŭzajemnaje licenzavańnie školnych padručnikaŭ. Sinchranizacyja budzie pravodzicca i na navukovym uzroŭni, šlacham sumiesnaha słoŭnika, sumiesnych adzinych paniaćciaŭ.
Rasijska-biełaruski ekśpiertna-kansultatyŭny saviet pa historyi damoviŭsia ab stvareńni dvuch sumiesnych histaryčnych časopisaŭ. Adzin ź ich budzie ahulnahistaryčnym, druhi pryśvieciać vajennaj historyi.
Kamisija raniej zajaŭlała pra nieabchodnaść stvareńnia adzinaha padručnika pa historyi Biełarusi i Rasii. Taksama byŭ raspracavany padručnik pa historyi sajuznaj dziaržavy.
Čytajcie taksama:
«Patrebien asobny raździeł». U novym školnym padručniku historyi raskažuć pra padziei 2020 hoda
U 10-ch kłasach historyju Biełarusi abjadnajuć z suśvietnaj historyjaj u adzin kurs
U Biełarusi i Rasii stvorać supolnyja padručniki pa historyi
