Fota: AP Photo/Kiichiro Sato, File
Takim čynam, Mantana stała pieršym štatam, jaki zabaraniŭ papularnuju prahramu dla karotkich videarolikaŭ. Mantana zabaronić kramam mabilnych prahram Google i Apple prapanoŭvać TikTok na terytoryi štata, ale nie budzie nakładać nijakich štrafaŭ na asob, jakija vykarystoŭvajuć jaho, piša Reuters.
Zabarona ŭstupić u siłu 1 studzienia 2024 hoda i amal dakładna sutykniecca ź jurydyčnymi prablemami. TikTok, jaki naležyć kitajskaj technałahičnaj kampanii ByteDance, nie adkazaŭ na pytańnie ab tym, ci płanuje jon sudovy isk.
Raniej TikTok apublikavaŭ zajavu, u jakoj havaryłasia, što novy zakon «uščamlaje pravy žycharoŭ Mantany ŭ adpaviednaści ź pieršaj papraŭkaj, niezakonna zabaraniajučy TikTok», i zajaviŭ, što «praciahnie pracu pa abaronie pravoŭ karystalnikaŭ unutry Mantany i za jaje miežami».
TikTok, jaki maje bolš za 150 miljonaŭ amierykanskich karystalnikaŭ, sutyknuŭsia z zaklikami amierykanskich zakanadaŭcaŭ i dziaržaŭnych čynoŭnikaŭ zabaranić prahramu pa ŭsioj krainie z-za bojazi z nahody patencyjnaha ŭpłyvu kitajskaha ŭrada na płatformu.
Čytajcie taksama: