Jaŭhien Makarčuk
Jaŭhien Makarčuk vystupaje ŭ supierpaŭsiaredniaj katehoryi (da 154 funtaŭ, ci da 69,853 kh), i supraćstajaŭ jamu ŭ bai za zvańnie čempijona, što prajšoŭ u Złotavie Vielkapolskaha vajavodstva, daśviedčany i viadomy ŭ Polščy spartsmien Łukaš Maciec. «Ja vidavočny favaryt, i ja čakaŭ amal 10 hadoŭ, kab vyjhrać nacyjanalny čempijonski pojas», — kazaŭ Maciec pierad hetym bojem.
Jahony pasłužny śpis na prafiesijnym rynhu sapraŭdy byŭ uražlivym — 28 pieramoh (ź ich piać nakaŭtam), siem paražeńniaŭ i adna ničyja. U Makarčuka dahetul było tolki vosiem bajoŭ, ale va ŭsich jon pieramoh, u tym liku ŭ troch nakaŭtam. Pieramožnaja sieryja nie pierarvałasia i hetym razam.
Ciapier baksior ź Lidy abaraniaje na prafiesijnym rynhu kolery baksiorskaha spartyŭnaha kłuba «Skarpijon» sa Ščecina.
Čytajcie taksama:
Bajec UFC Muchamad Makajeŭ paprasiŭ, kab pra jaho kazali «z Dahiestana», a nie «z Rasii»
