Fota: Ozan Guzelce/ dia images via Getty Image
Prezident Turcyi Redžep Erdahan padčas supolnaha bryfinhu z prezidentam Uładzimiram Zialenskim u Stambule zajaviŭ, što Ukraina zasłuhoŭvaje być siabram NATO, jak piša «Ukrainskaja praŭda».
«Ukraina zasłuhoŭvaje siabroŭstva ŭ NATO. I ja chaču ŭ vašaj prysutnaści jašče raz padkreślić adzin momant: ad nastupleńnia spraviadlivaha miru nichto nie prajhraje».
Erdahan taksama zajaviŭ, što Turcyja budzie dapamahać Ukrainie «stać na nohi».
«Našy budaŭničyja kampanii, jakija ličacca lidarami hetaha rynku va Ukrainie, dapamohuć našym ukrainskim siabram u adnaŭleńni krainy», — padkreśliŭ turecki prezident.
Uładzimir Zialenski ździajśniaje turne pa krainach Jeŭropy. Jon naviedaŭ Bałharyju, Čechiju, prybyŭ u Turcyi. U pačatku nastupnaha tydnia prezident Ukrainy naviedaje samit NATO ŭ Vilni.
