Miedcentr «Novy zrok» u Homieli. Fota: eyes.by
Padstavaj dla paŭbaŭleńnia licenzii stali parušeńni zakanadaŭstva, jakija vyjaviŭ Departamient finansavych rasśledavańniaŭ KDK. U tym liku miedcentr abvinavačvali ŭ tym, što dla atrymańnia licenzii byli pradastaŭleny padroblenyja dakumienty ź niedakładnymi źviestkami ab adkaznych asobach, jakija nie pracavali ŭ arhanizacyi, u tym liku daktary. Tady ž pradstaŭniki «Novaha zroku» zajavili, što sietka miedcentraŭ całkam spyniaje pracu i pakidaje rynak Biełarusi.
Pakolki pieršapačatkova byli pradastaŭleny niedakładnyja źviestki, havorka idzie ab pazbaŭleńni licenzii z momantu jaje vydačy, h.zn. z 2011 hoda. Pradstaŭnikoŭ «Novaha zroku» ŭ sudzie nie było.
Centr paprasili pryciahnuć da administracyjnaj adkaznaści za niezakonnuju pradprymalnickuju dziejnaść pa častcy 1 artykuła 13.3 KaAP, jakaja praduhledžvaje dla jurydyčnaj asoby štraf da 500 bazavych vieličyń z kanfiskacyjaj da 100% sumy dachodu, atrymanaha ŭ vyniku takoj dziejnaści.
Pakolki termin administracyjnaha spahnańnia abmiežavany tryma hadami, razhladajuć dachod miedcentra za 2022 hod: krychu bolš za 17 młn rubloŭ — tak acanili vyručku za vylikam uskosnych padatkaŭ i dakumientalna paćvierdžanych vydatkaŭ.
U vyniku «Novy zrok» aštrafavali na 500 bazavych vieličyń (20 tys.rubloŭ), a stoadsotkavaja kanfiskacyja dachodaŭ, atrymanych ad niezakonnaj pradprymalnickaj dziejnaści, składaje 17 młn rubloŭ.
Čytajcie taksama:
Hałoŭčanka zahadaŭ zrabić stamatałahičnyja pasłuhi dastupnymi dla ŭsich
Minzdaroŭja choča zraŭnavać u cenach dziaržustanovy i pryvatnyja miedcentry
millionovdienieh dołžno chvatiť na nieskolko miesiaciev bieźbiednoho suŝiestvovanija CHK «Dinamo-Minsk».