U siońniašnim siužecie pakazali nibyta pašpart «novaj Biełarusi» na Dźmitryja Kiryłaviča Šyškova, 1967 hoda naradžeńnia. Toj, jak kažuć, zamoviŭ jaho, budučy ŭ Biełarusi.
Pa infarmacyi «Biełpoła», pieradadzienaj «Našaj Nivie», Šyškoŭ Dźmitryj Kiryłavič — były śledčy. U 2010-m byŭ pastaŭleny načalnikam śledčaha ŭpraŭleńnia UUS Mahiloŭskaha abłvykankama.
Paźniej jaho adpravili pracavać u Śledčy kamitet.
Apošniaje miesca pracy — infarmacyjnaje ahienctva «Mahiloŭskija viedamaści». Praŭda, materyjałaŭ za jaho podpisam nie adšukać. Mahčyma, u ahienctvie Šyškoŭ adkazvaŭ za biaśpieku.
Źviartaje ŭvahu, što ŭ «pašparcie» proźvišča Šyškova pa-biełarusku napisali z pamyłkaj — pra ruskuju «i».
U efiry ANT kažuć, što Šyškova zvolnili adtul za palityčnyja pohlady ŭ 2023-m. Prapahandyst Ihar Tur pahražaje jamu aryštam i kryminalnaj spravaj.
Hałoŭny redaktar «Mahiloŭskich viedamaściaŭ», darečy, Iryna Pietrusievič — maci maładoj prapahandystki Vitaliny Pietrusievič, jakaja hatovaja biaskonca pryznavacca ŭ lubovi Łukašenku.
Adznačym, što navat kali b pašpart «Novaj Biełarusi» ŭžo vydavali, to zamaŭlać jaho ŭnutry krainy nie maje sensu — hety dakumient byŭ prydumany dla tych, chto nie moža viarnucca ŭ krainu, kab praciahnuć svoj aficyjny biełaruski pašpart.
Čytajcie taksama:
APK: Idzie fejkavaja rassyłka nakont pašparta novaj Biełarusi dla zboru danych
Što nie tak z pašpartam «Novaj Biełarusi» dla kedebista, pakazanym na ANT
Heta šmat ab čym kaža