Kancert hurta «Piknik». Fota: piknik.info
Rok-hurt byŭ zasnavany ŭ 1978 hodzie ŭ Sankt-Pieciarburhu (na toj momant — Leninhrad). Utvaryli jaho studenty Leninhradskaha palitecha i spačatku nazvali «Aryjon». Adnak startam ličać 1981 hod, kali da hurta dałučyŭsia ciapierašni salist — palak Edmund Šklarski.
U 1980-ja «Piknik» trapiŭ u «čornyja śpisy» hurtoŭ, zabaronienych da tyražavańnia ŭ studyjach hukazapisu. Jaho nieŭźlubiła partyjna-kamsamolskaja presa.
Admietnaść stylu hurta — vykarystańnie simfaničnych, kłavišnych i ekzatyčnych narodnych instrumientaŭ. Za čas isnavańnia vyjšła bolš za 20 albomaŭ.
Siarod samych viadomych piesień — «U šamana tri ruki», «Jehiptianin», «Korolevstvo Krivych», «Tam, na samom kraju ziemli».
Salist Edmund Šklarski. Fota: piknik.info
U ciapierašnim składzie hurta, aproč Šklarskaha, taksama Leanid Kirnos, Marat Karčemny i Stanisłaŭ Šklarski (syn lidara «Piknika»).
Pra vajnu Šklarski publična nijak nie vykazvaŭsia. Adnak, u mai 2022-ha rasijski prapahandyst Zachar Prylepin u svaim telehram-kanale napisaŭ, što Šklarski dapamoh z zakupkaj zapčastak dla techniki na froncie.
«Hałoŭny ŭ našaj kamandzie pa danbaskich humanitarnych rabotach — «hienierał humanitarnych vojskaŭ» Juryj Miezinaŭ mimachodź paviedamiŭ u svajoj «cialezie», što rok-lehienda, lidar hurta «Piknik» Edmund Šklarski spakojna pieradaŭ nieabchodnyja srodki na ramont viečna zabivanaha transpartu dla našych humanitarnikaŭ.
Naohuł pra pazicyju Šklarskaha pa Ukrainie (pazicyja — jakaja treba; narmalnaja pazicyja ruskaha čałavieka i ruskaha muzykanta) ja viedaŭ jašče kali vioŭ «Sol» na RenTB», — pisaŭ Prylepin.
Paśla 2014 hoda «Piknik» vystupaŭ u Krymie, za heta Šklarskaha ŭnieśli ŭ bazu «Miratvorac».
Paviedamlajecca, što ŭ siońniašniaj pierastrełcy muzyki nie paciarpieli. Jany byli ŭ hrymiorcy, kali pačałasia stralba, i jašče nie pačali vystupać.
Čytajcie taksama:
