Nastaśsia Mirončyk-Ivanova. Skrynšot ź videa ANT
Naradziłasia niedanošanaj i mahła nikoli nie pačać chadzić
34-hadovaja Nastaśsia rodam sa Słucka. Jaje maci — nastaŭnica pačatkovych kłasaŭ, a baćka — nastaŭnik fizkultury, były afhaniec, jaki ŭ ciapierašni čas kiruje vajenna-patryjatyčnym kłubam. Spartoŭka raskazvała, što jon «vučyć chłopcaŭ pravilnaj ideałohii, staŭleńniu da Radzimy, padciahvaje fizičnuju formu, vykładaje asnovy patryjatyčnaj navuki».
Budučaja lohkaatletka mieła prablemy sa zdaroŭjem, jak tolki źjaviłasia na śviet: jana naradziłasia siamimiesiačnaj, napierad nahami, z vahoj u dva kiłahramy i dyjahnazam «vyvichi tazaściohnavych sustavaŭ». Praź niekalki miesiacaŭ joj pastavili jašče adzin dyjahnaz — «nie sfarmavanyja jadry ŭ kalennych sustavach», i pryhrazili, što dziaŭčynka nie zmoža chadzić. Praŭda, dyjahnaz nie paćvierdziŭsia.
Kali Naści było dva hady, ź joj zdaryŭsia apiendycyt u ciažkaj formie. Dziaŭčynku vyratavaŭ chirurh Aleh Rumo, na siońnia adzin z najviadomiejšych transpłantołahaŭ krainy. Jon vyznačyŭ, što ŭ małoj łopnuŭ apiendyks, i sam zrabiŭ joj apieracyju.
U školnyja časy Nastaśsia pakazvała dobryja vyniki pa fizkultury — chutka biehała i daloka skakała, padciahvałasia bolš za chłopčykaŭ. Niejak jana vyjhrała haradskija spabornictvy — bieh na dystancyi 500 mietraŭ. Trenier miascovaj SDzJuŠAR Anatol Karanievič zaŭvažyŭ dziaŭčynku i paraiŭ joj prychodzić na zaniatki pa lohkaj atletycy, a ŭ 14 hadoŭ Mirončyk źjechała ŭ Minsk u vučelniu alimpijskaha reziervu.
Ź ciaham času jana pačała śpiecyjalizavacca na skačkach u daŭžyniu. Časam jana vystupaje i ŭ trajnym skačku, ale jaje vyniki ŭ hetaj dyscyplinie zvyčajna horšyja.
Pieršy mižnarodny start Nastaśsi — junijorski čempijanat śvietu — 2008 u polskim Bydhaščy, ź jakoha jana pryviezła srebrany miedal. U 2017-m jana atrymała bronzu darosłaha čempijanatu śvietu, praŭda, toj turnir byŭ datavany 2011 hodam. Reč u tym, što praz 6 hadoŭ paśla spabornictvaŭ zabrali miedal u rasijanki Volhi Kučarenka, vyniki byli pierahledžanyja, i tak bronza apynułasia ŭ biełaruski.
U niečym heta było tryumfam spraviadlivaści, bo na tym samym čempijanacie Nasta zastałasia bieź miedala z-za pryčoski — doŭhaha chvasta. Spartoŭka skoknuła na 6,90 mietra, i taki vynik zabiaśpiečvaŭ joj zołata, ale vałasy dziaŭčyny dakranulisia da piasku, i tamu sudździ zafiksavali bolš nizki vynik.
Nastaśsia Mirončyk-Ivanova na čempijanacie Jeŭropy pa lohkaj atletycy ŭ pamiaškańniach, Paryž, 2011 hod. Krynica: Ian Walton / Getty Images
Na toj čas da proźvišča Nastaśsi dadałasia prystaŭka «Ivanova» — u 2008-m jana vyjšła zamuž za lohkaatleta Siarhieja Ivanova. Paźniej jon pryznavaŭsia, što pakachaŭ słuččanku ź pieršaha pozirku, a zaadno i prybraŭ dalej pałovu jaje siabroŭ mužčynskaha połu.
Dopinh, dyskvalifikacyja i pravał na pieraniesienaj Alimpijadzie
U 2014-m skakucha stała mamaj — u jaje naradziŭsia syn Hleb.
Mirončyk-Ivanova addała dzicia ŭ vajenna-patryjatyčny kłub «Ryś» pry śpiecnazaŭskaj častcy 3214, viadomaj udziełam u siłavym razhonie mitynhaŭ. «Ryś» — prajekt namieśnika ministra ŭnutranych spraŭ Mikałaja Karpiankova, jaki razhaniaŭ mitynhi ŭłasnaruč.
Paśla rodaŭ Mirončyk-Ivanova zastałasia biez treniera, i na hetaje miesca zastupiŭ jaje muž Siarhiej Ivanoŭ. Ale tut jość niuans: u toj čas i jašče niekalki hadoŭ paśla skakucha pracavała i ź inšym śpiecyjalistam — zasłužanym trenieram SSSR Valeryjem Buninym, jaki vychavaŭ u tym liku srebranaha pryziora Hulniaŭ-1988 u trajnym skačku Ihara Łapšyna i rekardsmiena śvietu ŭ hetaj ža dyscyplinie Hienadzia Valukieviča.
Viadoma, Bunin — bolš daśviedčany trenier, čym Ivanoŭ, i sama spartoŭka havaryła ŭ adnym ź intervju, što jon dapamahaŭ u trenirovačnym pracesie. Ale para adsunuła śpiecyjalista na druhi płan i imknułasia padać luby pośpiech Mirončyk-Ivanovaj jak zasłuhu jaje i Siarhieja Ivanova.
Za hod da taho, jak čužy dopinh prynios Nastaśsi bronzu čempijanatu śvietu, u jaje samoj pačalisia ź im prablemy. Pierad Alimpijadaj-2016 u Rya stała viadoma pra stanoŭčuju probu skakuchi na dopinh, i tyja hulni daviałosia prapuścić. Paźniej akazałasia, što byli pierapravieranyja proby biełaruski z Alimpijady-2012, i ŭ ich znajšli zabaronieny turynaboł.
Lohkaatletcy dali dva hady dyskvalifikacyi i zabrali siomaje miesca z hulniaŭ-2012. Hety čas jana praviała ŭ rodnym Słucku, tam i treniravałasia. Što byŭ dopinh, nie pryznała.
Letam 2018-ha Mirončyk-Ivanova viarnułasia da mižnarodnych startaŭ. Atrymlivałasia dobra: na čempijanacie Jeŭropy — 2018 jana stała piataj, a ŭ nastupnym hodzie na čempijanacie Jeŭropy ŭ Hłazha ŭvohule zaniała druhoje miesca. U lipieni 2020-ha na Kubku Biełarusi skoknuła na 6,93 mietra, čym paŭtaryła svoj vynik z Hłazha.
Nastaśsia Mirončyk-Ivanova na čempijanacie Jeŭropy pa lohkaj atletycy ŭ pamiaškańniach, Hłazha, 2019 hod. Krynica: Ian MacNicol / Getty Images
U 2021-m Nastaśsia vystupiła na Alimpijadzie ŭ Tokia, dzie paciarpieła niaŭdaču — pakazała vynik 6,55 mietra i trapiła tolki na 14-je miesca. Toj pravał jana sprabavała tłumačyć pieranosam Hulniaŭ na hod z-za pandemii kavidu — maŭlaŭ, spartoŭcy rychtujucca da Alimpijady cykłami pa čatyry hady, a tut daviałosia rychtavacca piacihodku. Praŭda, u tych ža ŭmovach byli i tyja 13 skakuch, što apiaredzili biełarusku.
Zrešty, byli i inšyja faktary, jakija mahli pieraškadžać Nastaśsi rychtavacca. Za niekalki hadoŭ da Tokia ŭ dziaŭčyny źjavilisia novyja chobi, jakija siońnia čaściej źviazvajuć ź jaje imiem, čym sport. I hałoŭnaja z hetych aktyŭnaściej — palityka.
«Kali abaraniaješ krainu ad vorahaŭ, nieabchodna być žorstkim i biaźlitasnym»
Paśla prezidenckich vybaraŭ-2020 dziasiatki spartoŭcaŭ vystupili suprać hvałtu i falsifikacyj, i tady prapahanda taksama pavialičyła ŭvahu da sportu. Mirončyk-Ivanova ŭ hetaj spravie atrymała pośpiech: jana padpisała adkryty praŭładny list spartoŭcaŭ, pačała naviedvać prapahandysckija mierapryjemstvy i rehularna vykazvacca ŭ padtrymku Łukašenki i dziejnaj biełaruskaj ułady.
Jana prysutničała na tajemnaj inaŭhuracyi Łukašenki ŭ vieraśni 2020-ha i na zapisu jaho navahodniaha zvarotu, a taksama siadzieła ŭ prezidyumie Usiebiełaruskaha narodnaha schodu.
Časam pazicyja dziaŭčyny vyhladała pieramienliva. Naprykład, u 2020-m jana asudžała dziejańni siłavikoŭ, a ŭ 2021-m tak raskazvała pra Karpiankova: «Toje, što dabro musić być z kułakami — heta aksijoma: kali abaraniaješ krainu ad vorahaŭ, nieabchodna być žorstkim i biaźlitasnym. Inakš nie pieramahčy».
Mirončyk-Ivanova raskazvała, što za praŭładnyja pohlady joj prylatali pahrozy:
«Abiacali złavić mianie padčas prabiežki ŭ lesapałasie, što kala našaha RCAP pa lohkaj atletycy na Kalinoŭskaha, zabić, pasiekčy i zakapać.
Ale viadomaja sprava, chto płanuje zrabić, nie stanie pahražać. Tamu, razumiejučy, što im važna zapužać i akazać psichałahičny cisk, starałasia, nakolki heta mahčyma, uvahi nie źviartać».
U spartoŭki zdaryŭsia kanflikt z Kryścinaj Cimanoŭskaj — biahuchaj, jakaja źbiehła z Alimpijady ŭ Tokia z-za cisku trenieraŭ i pahrozy departacyi, i ciapier žyvie ŭ Polščy i vystupaje za hetuju krainu.
Jašče pierad Tokia skakucha padała na Cimanoŭskuju ŭ sud. U dziaŭčat zdaryłasia pierapałka, padčas jakoj Cimanoŭskaja napisała Nastaśsi — kab joj, Kryścinie, stać papularnaj, joj chacia b nie treba vystaŭlać svoj hoły azadak u internet. Pytańnie vyrašyli paluboŭna: fiederacyja lohkaj atletyki pieradała Cimanoŭskaj 250 dalaraŭ, jakija ad jaje chacieła skakucha, i taja addała hetyja hrošy Mirončyk-Ivanovaj.
Vyhladaje, što ŭ skakuchi na Cimanoŭskuju ŭvohule zub. Naprykład, jana abvinavačvała Kryścinu ŭ «destruktyŭnaj dziejnaści»: «Kryścina Cimanoŭskaja ŭ tyja haračyja dni (žnivień 2020-ha. — «NN») stvaryła śpiecyjalny čat, dzie pravodziłasia złosnaja destruktyŭnaja dziejnaść, źbiralisia podpisy, viałasia ahitacyja, sprabavali zapudryć spartoŭcam mazhi, schilić da zdrady».
Sa sportu ŭ kresła deputatki
Nastaśsia lubić publikavać u sacsietkach adkrytyja foty. Raniej jana raźmiaščała zdymki ŭ kupalniku i vielmi adkrytych uborach:
Fota: mironchikivanova / Instagram
Fota: mironchikivanova / Instagram
Fota: mironchikivanova / Instagram
Ciapier ža skakucha pastaleła i ekśpierymientuje tolki z rakursami dy daŭžynioj adzieńnia:
Fota: mironchikivanova / Instagram
Fota: mironchikivanova / Instagram
U 2020-m Nastaśsia sprabavała zaskočyć u šoŭ-biznes i zapisvała pieśni razam ź Vitalem Varanko — bajanistam i aktyŭnym prychilnikam Łukašenki. Taksama dziaŭčyna maryła pra svoj brend adzieńnia «Miro» — Nastaśsia płanavała vypuskać žanočuju vopratku ŭ ablipku: «Mnie padabajucca takija rečy: dziaŭčaty mohuć sabie dazvolić! Pamiery buduć roznyja. Łasiny ŭ ablipku, topiki. U ich možna zajmacca doma, rabić niejkija prabiežki. A dalej pahladzim».
Pra śpievy i modu Nastaśsia daŭno nie havoryć. Jana atrymlivaje jurydyčnuju adukacyju ŭ Akademii kiravańnia, a taksama nie spyniaje praŭładnuju aktyŭnaść.
U kancy lutaha skakucha zrabiła novy krok u hetym kirunku — stała deputatkaj parłamienta i zaadno Usiebiełaruskaha narodnaha schodu. Jana bałatavałasia pa Dziaržynskaj vybarčaj akruzie №98 u Minsku, razam ź joj na pasadu pretendavali dyrektarka dziciačaha sadka Taćciana Hryšanovič i pradstaŭnik partyi Siarhieja Hajdukieviča Siarhiej Rahaza. Pa aficyjnych źviestkach, skakucha nabrała 21 474 hałasy, to-bok 52%.
Vidać, času na sport u jaje ciapier budzie jašče mienš. Zrešty z-za vajny va Ukrainie biełaruskaja lohkaja atletyka adchilenaja ad mižnarodnych startaŭ, i spartoŭcam, u tym liku Mirončyk-Ivanovaj, zastalisia tolki ŭnutrybiełaruskija i rasijskija turniry.
Praz try miesiacy pačniecca Alimpijada ŭ Paryžy, na jakuju skakucha nie pajedzie, bo nie vykanała narmatyvy.
Kali vieryć jaje aficyjnym zajavam, Nastaśsia praz heta nie sumuje i raskazvaje, što vystupiła b na Hulniach tolki kali b joj dazvolili heta zrabić pad nacyjanalnym ściaham, z himnam i biełaruskaj aficyjnaj simvolikaj. Status niejtralnaj spartsmienki jana ličyć nieprymalnym.
Kali ž Alimpijada projdzie bieź biełarusaŭ i hetak ža zabanienych rasijan, jana, pavodle słoŭ Nastaśsi, pieratvorycca z Hulniaŭ u matčavyja spabornictvy.
Dziela svaich ideałaŭ, jakija jana tak apantana adstojvaje, hetaja spartoŭka hatovaja achviaravać karjeraj.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
