Siarhiej Klaŭko — 50-hadovy były milicyjant. Jon bolš za 27 hadoŭ prasłužyŭ u milicyi, a adździeł tyłavoha zabieśpiačeńnia Minskaha haradskoha ŭpraŭleńnia Departamienta achovy MUS uznačalvaŭ bolš za piać hadoŭ.
Siarhiej Klaŭko. Fota z sajta MUS
Vyjšaŭ na piensiju ŭ studzieni 2023-ha ŭ zvańni padpałkoŭnika — padčas cyrymonii vystupoŭcy asabliva adznačyli toje, jak pacharašeŭ Departamient achovy za časami Klaŭko.
Adździeł tyłavoha zabieśpiačeńnia zajmajecca zakupkami (u tym liku praz tendary), ramontam budynkaŭ, budaŭnictvam, zachoŭvańniem ryštunku i sočyć za tym, kolki resursaŭ vykarystoŭvaje departamient.
Druhi fihurant spravy — 40-hadovy Dźmitryj Charužyk. Jon niekalki hadoŭ uznačalvaje «Minskrambud». Heta dziaržaŭnaja arhanizacyja, jakaja zajmajecca budaŭnictvam, adna z najbolšych u krainie. Taksama jana zajmajecca vytvorčaściu budaŭničych materyjałaŭ, zdaje ŭ arendu techniku i pamiaškańni, maje ŭłasny sanatoryj «Spadarožnik» pad Minskam.
Dźmitryj Charužyk. Fota: STB
Sud nad mužčynami pačniecca ŭ Centralnym sudzie horada Minska 23 krasavika. Ich vinavaciać u «dačy chabaru ŭ asabliva bujnym pamiery». Chto kamu daŭ chabar — pakul nieviadoma.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Namieśniku kiraŭnika pradpryjemstva z hrupy kampanij «Santa» dali 10 hadoŭ za bujny chabar
