Fota: BiełJurZabieśpiačeńnie
Ukrainskaja kampanija «Płazmatek», jakaja da pačatku poŭnamaštabnaj vajny vałodała Śvietłahorskim zavodam zvaračnych elektrodaŭ, sprabavała atrymać damahčysia kampiensacyi stračanych aktyvaŭ ad Rasii. Ale ŭkrainski sud z pazycyjaj kampanii nie pahadziŭsia, paviedamlaje Radyjo Svaboda.
Śvietłahorski zavod zvaračnych elektrodaŭ spyniŭ pracu 2 sakavika 2022 hoda, usie ŭkrainskija śpiecyjalisty byli adklikanyja. U kancy 2022 hoda Alaksandr Łukašenka zajaviŭ ab faktyčnaj nacyjanalizacyi zavoda. Nieŭzabavie stała viadoma, što pradpryjemstva pieradali rasiejskamu ŭładalniku-Mahnitahorskamu elektrodnamu zavodu.
Ukrainskaja kampanija padała va ŭkrainski sud pazoŭ ab spahnańni z Rasiei ŭ asobie Miniusta RF kampiensacyi za stračanyja aktyvy. Kampanija acaniła škodu ad pačatku rasiejskaha poŭnamaštabnaha ŭvarvańnia va Ukrainu 27.3 miljona dalaraŭ. U pazovie pakazvałasia, što kampaniju ź minimumam jurydyčnych farmalnaściaŭ pazbavili ŭłasnaści ŭ Biełarusi, a zatym jaje pieradali rasiejskamu inviestaru.
Adnak sud nie znajšoŭ suviazi pamiž strataj kantrolu nad zavodam u Śvietłahorsku i pačatkam poŭnamaštabnaj vajny. Sud taksama adznačyŭ, što najaŭnaść apasrodkavanaj suviazi pamiž rasiejskim uvarvańniem i nacyjanalizacyjaj pradpryjemstva «ni ŭ jakim razie nie śviedčyć ab mahčymaści ŭskłaści na Rasiju adkaznaść za pazbaŭleńnie doli ŭ statutnym kapitale Śvietłahorskaha zavoda zvaračnych elektrodaŭ».
Kampanija moža padać apielacyju na takoje rašeńnie.
